Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 594-րդ հոդվածով և հիմք ընդունելով սոցիալական հանձնաժողովի 2019 թվականի հուլիսի 1-ի արձանագրույթունը և Արշավիր Պողոսյանի դիմումը. համայնքի ավագանին որոշում է՝ 1. <<Հայաստանի Հանրապետության Արմավիրի մարզի Փարաքարի համայնքապետարան>> համայնքային կառավարչական հիմնարկի հաշվեկշում հաշվառված ՝ <<Փարաքարի կենցաղի տուն>> (գտնվելու վայրը՝ Հայաստանի Հանրապետության Արմավիրի մարզ, գյուղ Փարաքար, Նաիրի փողոց N34/1) Հայաստանի Հանրապետության օրենսդրությամբ սահմանված կարգով նվիրել Արշավիր Պողոսյանին:
2. Հայաստանի Հանրապետության Արմավիրի մարզ, գյուղ Փարաքարի համայնքապետարանի աշխատակազմի քարտուղարին՝ սույն որոշումն ուժի մեջ մտնելուց հետո, վեցամսյա ժամկետում սույն որոշման մեջ նշված անձի հետ կնքել բնակելի տարածքի նվիրատվության պայմանագիր՝ դրանում նախատեսելով, որ պայմանագրի նոտարական վավերացման և պայմանագրերից բխող գույքային իրավունքների պետական գրանցման ծախսերը ենթակա են իրականացման նվիրառու բնակչի միջոցների հաշվին: |