Ղեկավարվելով Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետով, 64-րդ հոդվածի 1.1 կետով, Հայաստանի Հանրապետության Կառավարության 2006 թվականի մայիսի 18-ի N 912-Ն որոշման 25-րդ կետի ա և բ ենթակետերով, Հայաստանի Հանրապետության Արմավիրի մարզի Փարաքարի գյուղական համայնքի ավագանու 2012 թվականի մարտի 28-ի «Փարաքարի գյուղական համայնքի (բնակավայրի) պարզեցված գլխավոր հատակագիծը հաստատելու մասին» N 15-Ն որոշմամբ և, հիմք ընդունելով շինոթյան տեխնիկական վիճակի վերաբերյալ մասնագիտական եզրակացությունը.որոշում է՝
1. Հայաստանի Հանրապետության Արմավիրի մարզի Փարաքար համայնքի Թաիրով գյուղի Վ. Մամիկոնյան փողոցի 5-րդ բազմաբնակարան շենքի զբաղեցրած 830.0 քմ մակերեսով բնակավայրերի հողերի նպատակային նշանակության, բնակելի կառուցապատման գործառական նշանակությամբ հողամասը փոխանցել շենքի բնակարանների և ոչ բնակելի տարածքների սեփականատերերին անհատույց՝ բաժնային սեփականության իրավունքով:
2. Հայաստանի Հանրապետության Արմավիրի մարզի Փարաքար համայնքի հողային հաշվեկշռում կատարել փոփոխություն, սույն՝ 0.083 հա մակերեսով բնակավայրերի բնակելի կառուցապատման հողամասը, հանել համայնքային սեփականության հողերի հաշվեկշռից և ներառել քաղաքացիների սեփականության հողերի հաշվեկշռում:
3. Օրինականացնել Թաիրով գյուղի Վ. Մամիկոնյան փողոցի 5-րդ բազմաբնակարան շենքին որպես կցակառույց առկա բոլոր ինքնակամ շինությունները:
4. Հողամասի և բազմաբնակարան շենքի հասցեն թողնել անփոփոխ. Հայաստանի Հանրապետություն, Արմավիրի մարզ, գյուղ Թաիրով, Վ. Մամիկոնյան փողոց 5-րդ շենք:
5. Սույն որոշումից բխող գույքային իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի անշարժ գույքի գրանցման միասնական ստորաբաժանման կողմից:
6. Սույն որոշումն ուժի մեջ է մտնում ընդունման պահից: