Ղեկավարվելով Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետով, Հայաստանի Հանրապետության կառավարության 2003 թվականի դեկտեմբերի 24-ի N 1746-Ն որոշմամբ և Հայաստանի Հանրապետության Արմավիրի մարզի Փարաքարի գյուղական համայնքի ավագանու 2012 թվականի մարտի 28-ի «Փարաքարի գյուղական համայնքի (բնակավայրի) պարզեցված գլխավոր հատակագիծը հաստատելու մասին» N 15-Ն որոշմամբ, հիմք ընդունելով Հայաստանի Հանրապետության կադաստրի կոմիտեի 15.05.2020 թվականի թիվ ԱՏ-1505220-04-0071 տեղեկանքը և սեփականատեր Արամայիս Վլադիմիրի Մովսեսյանի 2020 թվականի մայիսի 14 -ի դիմումը. ո ր ո շ ու մ եմ՝
1. Արամայիս Վլադիմիրի Մովսեսյանին սեփականության իրավունքով պատկանող (սեփականության իրավունքի պետական գրանցման վկայական N 12052020-04-0015), Արմավիրի մարզի Փարաքար գյուղում գտնվող 04-094-0031-0024 կադաստրային ծածկագրով գյուղատնտեսական նշանակության 0.04 հա մակերեսով հողամասը (գոտին՝ Ուրց Կոտայք-Շամիրամ, հողատեսքը՝ այլ, կադաստրային արժեքը՝ մեկ քառակուսի մետրի համար 5.75 դրամ) փոխադրել բնակավայրերի հողերի կատեգորիա, որպես բնակելի կառուցապատման հող՝ բնակելի տուն և օժանդակ շինություններ կառուցելու համար:
2. Փոփոխվող հողի կադաստրային արժեքների տարբերությունը (1 քառակուսի մետրի համար 4518.25 դրամ հաշվարկով) 400 քառակուսի մետրի համար կազմում է 1 807 300 (մեկ միլիոն ութ հարյուր յոթ հազար երեք հարյուր) ՀՀ դրամ, ինչը 60-օրյա ժամկետում պետք է վճարել Փարաքարի համայնքային բյուջե՝ Հայաստանի Հանրապետության ֆինանսների նախարարության գործառական վարչության 900325191139 հաշվեհամարին, չվճարելու դեպքում որոշումը ճանաչել ուժը կորցրած:
3. Հողամասին տալ հասցե. Արմավիրի մարզ, գյուղ Փարաքար, Տիգրան Պետրոսյան փողոց N 16:
4.Սույն որոշումից բխող գույքային իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի անշարժ գույքի գրանցման միասնական ստորաբաժանման կողմից:
5. Հետագա կառուցապատումն իրականացնել Հայաստանի Հանրապետության քաղաքաշինության բնագավառի օրենսդրության պահանջներին համապատասխան, նախապես համաձայնեցված և հաստատված նախագծային փաստաթղթերի հիման վրա Փարաքար համայնքի ղեկավարի կողմից տրված շինարարության թույլտվության համաձայն:
6.Սույն որոշումն ուժի մեջ մտնելուց հետո երկամսյա ժամկետում կարող է բողոքարկվել վարչական կարգով Փարաքար համայնքի ղեկավարին կամ դատական կարգով Հայաստանի Հանրապետության վարչական դատարան: