Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածի երկրորդ մասով, Հայաստանի Հանրապետության կառավարության 2006 թվականի մայիսի 18-ի N 912-Ն և 2005 թվականի դեկտեմբերի 29-ի N 2387-Ն որոշումների պահանջներով, նկատի ունենալով, որ կառույցի պահպանումը չի խախտում այլ անձանց իրավունքները, օրենքով պահպանվող շահերը, կառուցված չէ քաղաքաշինական նորմերի ու կանոնների էական խախտումներով, չի առաջացնում սերվիտուտ պահանջելու իրավունք, շինության զբաղեցրած հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի սահմանափակումների ցանկում, հիմք ընդունելով Ռուզաննա Խաչատրյանի դիմումը. որոշում եմ `

1.Հայաստանի Հանրապետության Արմավիրի մարզի Փարաքար համայնքի Թաիրով գյուղում համայնքային սեփականություն հանդիսացող 0.0036 հա բնակավայրի բնակելի կառուցապատման հողամասի վրա ինքնակամ կառուցված 33.6 քառակուսի մետր արտաքին մակերեսով ավտոտնակը համարել Փարաքար համայնքի սեփականությունը:

2. Օրինականացնել Հայաստանի Հանրապետության Արմավիրի մարզի Փարաքար համայնքի Թաիրով գյուղում 0.0036 հա համայնքային սեփականություն հանդիսացող հողամասի վրա գտնվող 33.6 քառակուսի մետր արտաքին մակերեսով ավտոտնակը` համաձայն <<Կարեն Մաչանյան>> ԱՁ-ի կողմից տրված հողամասի և շինությունների հատակագծերի:

3. Հողատարածքին և առկա շինությանը տալ հասցե. Հայաստանի Հանրապետություն, Արմավիրի մարզ, գյուղ Թաիրով, Վ.Մամիկոնյան փողոց 5-րդ փակուղի N 7:

4. Հաշվի առնելով որ կառույցն իրականացվել է և հողամասը տասը տարուց ավել անընդմեջ, բացահայտ և բարեխիղճ տնօրինվել է Ռուզաննա Խաչատրյանի կողմից և նրա կողմից ընդունվել է առաջարկը՝ գնման նախապատվության իրավունքով ձեռք բերելու հողամասը և շինությունը , Ռուզաննա Խաչատրյանին վաճառել Արմավիրի մարզ, գյուղ Թաիրով, Վ.Մամիկոնյան փողոց 5-րդ փակուղի N 7 հասցեում գտնվող 0.0036 հա մակերեսով հողամասը՝ առկա շինությունով:

5. Սահմանված վճարը ավտոտնակի համար 1 քառակուսի մետրը` 2600 դրամ է, որը 33.6 քառակուսի մետրի համար կազմում է 87 360 (ութսունյոթ հազար երեք հարյուր վաթսուն ) ՀՀ դրամ և ենթակա է վճարման Փարաքար համայնքի վարչական եկամուտների 900325191154 հաշվեհամարին:

6. Հողամասի օտարման համար 1 քառակուսի մետրի կադաստրային արժեքը 4524 դրամ է, որը 36 քառակուսի մետրի համար կազմում է 162 864 (մեկ հարյուր վաթսուներկու հազար ութ հարյուր վաթսունչորս ) ՀՀ դրամ, որը ենթակա է վճարման Փարաքար համայնքի ֆոնդային եկամուտների 900325191139 հաշվեհամարին:

7. Վճարման ենթակա գումարները 60-օրյա ժամկետում չվճարելու դեպքում որոշումը համարվում է ուժը կորցրած:

8. Սույն որոշումից բխող գույքային իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի անշարժ գույքի գրանցման միասնական ստորաբաժանման կողմից:

9. Սույն որոշման կատարման կազմակերպումն ու պատասխանատվությունը դնել Փարաքարի համայնքապետարանի աշխատակազմի քարտուղար Մարիետտա Քեյանի վրա:

10. Սույն որոշումն ուժի մեջ մտնելուց հետո երկամսյա ժամկետում կարող է բողոքարկվել. վարչական կարգով` Փարաքար համայնքի ղեկավարին, կամ դատական կարգով` Հայաստանի Հանրապետության վարչական դատարան: