Ղեկավարվելով Հայաստանի Հանրապետության վարչական իրավախախտումների վերաբերյալ օրենսգրքի 219.1-ին հոդվածով
Ես` Հայաստանի Հանրապետության Արմավիրի մարզի Փարաքար համայնքի ղեկավար Սամվել Վարդանյանս քննելով վարչական իրավախախտման վերաբերյալ արձանագրությունը և կից նյութերը`
Պարզեցի, որ անհատ ձեռնարկատեր Մխիթար Աղեկյանը (ՀՎՀՀ` 49593511, իրավաբանական հասցե` Արմավիրի մարզ, գյուղ Թաիրով, Մայրաքաղաքային փողոց 48) Արմավիրի մարզի Փարաքար համայնքի վարչական սահմաններում` գյուղ Թաիրով, Մայրաքաղաքային փողոցի 117 հասցեում 2018 թվականի ընթացքում հանրային սննդի կազմակերպում և իրացում է կատարում, որի համար չի վճարել տեղական տուրք և չունի տեղական ինքնակառավարման մարմնի թույլտվությունը: Անհատ ձեռնարկատեր Մխիթար Աղեկյանի արարքի համար պատասխանատվություն է նախատեսված Հայաստանի Հանրապետության վարչական իրավախախտումների վերաբերյալ օրենսգրքի 169.16-րդ հոդվածի 10-րդ մասով` առանց թույլտվության հանրային սննդի կազմակերպումը և իրացումը՝ առաջացնում է տուգանքի նշանակում պաշտոնատար անձի նկատմամբ՝ սահմանված նվազագույն աշխատավարձի ութսունապատիկից մինչև հարյուրապատիկի չափով, իսկ քաղաքացիների նկատմամբ՝ սահմանված նվազագույն աշխատավարձի հիսնապատիկից մինչև յոթանասունապատիկի չափով:
- Անհատ ձեռնարկատեր Մխիթար Աղեկյանի նկատմամբ նշանակել տուգանք սահմանված նվազագույն աշխատավարձի ութսունապատիկի` 80 000 ՀՀ դրամ գումարի չափով:
- Սույն որոշման դեմ գանգատ կարող է տրվել ՀՀ վարչական իրավախախտումների վերաբերյալ օրենսգրքի 287-րդ հոդվածով սահմանված կարգով:
- Տուգանքը պետք է վճարվի տուգանք նշանակելու մասին որոշումը անհատ ձեռնարկատեր Մխիթար Աղեկյանին հանձնելու օրվանից ոչ ուշ, քան տասնհինգ օրվա ընթացքում` Փարաքար համայնքի վարչական իրավախախտումների համար գանձապետական 900325191030 հաշվեհամարին: