Ղեկավարվելով Հայաստանի Հանրապետության համայնքների վարչական տարածքներում «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության 2008 թվականի նոյեմբերի 13-ի N 1328-Ն օրենքով, Հայաստանի Հանրապետության կառավարության 2005 թվականի դեկտեմբերի 29-ի         N 2387–Ն որոշմամբ, նկատի ունենալով, որ կառույցն իրականացվել է մինչև 2001 թվականի մայիսի   15-ը` 1968-1995 թվականներին, հողամասը ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանափակումների կազմում, այդ թվում՝ ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ, հիմք ընդունելով ըստ կտակի ժառանգության իրավունքի  2018 թվականի սեպտեմբերի յոթի վկայագիրը և սեփականատեր Հասմիկ Մինասյանի լիազորված անձ Սիրանուշ Խոջոյանի 2018 թվականի հոկտեմբերի 26-ի դիմումը. որոշում եմ՝

1. Վերականգնել Արմավիրի մարզի Փարաքար համայնքի Փարաքար գյուղում Հասմիկ Էդիսոնի Մինասյանի (ծնված 28.09.1958թ.)  գույքային իրավունքը՝ ճանաչել նրա սեփականության իրավունքը սեփականության իրավունքով պատկանող 0.0188 հա հողամասի, որից 0.002 հա համատեղ օգտագործման տարածք, 105.3 քառակուսի մետր օրինական կառուցված շինությունների նկատմամբ: Սեփականության իրավունքը՝ ճանաչել համաձայն հողամասի և շինությունների հատակագծերի՝ տրված «Մաչանյան Կարեն» ԱՁ-ի կողմից: Վերականգնումը կատարվում է անհատույց սեփականության իրավունքով:

2.Բնակելի տան և հողամասին տրամադրել հասցե. Հայաստանի Հանրապետություն, Արմավիրի մարզ, գյուղ Փարաքար, Է.Թոսյանի փողոց N 23(նախկինում եղել է Թամանցիների փողոց N 29):

3. Սույն որոշումից բխող գույքային իրավունքները ենթակա են գրանցման Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմի մարզերի միավորված ստորաբաժանման կողմից:

4. Սույն որոշումն ուժի մեջ է մտնում ընդունման պահից: