Ղեկավարվելով Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետով և Հայաստանի Հանրապետության Արմավիրի մարզի Փարաքարի գյուղական համայնքի ավագանու 2012 թվականի մարտի 28-ի «Փարաքարի գյուղական համայնքի (բնակավայրի) պարզեցված գլխավոր հատակագիծը հաստատելու մասին» N 15-Ն որոշմամբ և հիմք ընդունելով սեփականատեր Ալբերտ Վարազդատի Ասատրյանի լիազոր անձ Նարեկ Հարությունյանի 2019 թվականի սեպտեմբերի 18- դիմումը. ՈՐՈՇՈՒՄ ԵՄ՝
1. Ալբերտ Վարազդատի Ասատրյանին սեփականության իրավունքով պատկանող Արմավիրի մարզի Փարաքար գյուղում՝ Ուրց-Կոտայք-Շամիրամ գոտում գտնվող 04-094-0307-0026 կադաստրային ծածկագրով (սեփականության իրավունքի պետական գրանցման վկայական N17092019-04-0043) 0.045 հա մակերեսով գյուղատնտեսական նշանակության հողամասը՝ 3-րդ կարգի վարելահող (կադաստրային արժեքը մեկ քառակուսի մետրի համար 159.5 դրամ) փոխադրել բնակավայրի հողերի կատեգորիա, որպես բնակելի կառուցապատման հող՝ բնակելի տուն և օժանդակ շինություններ կառուցելու համար:
2. Փոխված հողի կադաստրային արժեքների տարբերությունը 1 քառակուսի մետրի համար 4364.5 դրամ է, որը 450 քառակուսի մետրի համար կազմում է 1 964 025 (մեկ միլիոն ինը հարյուր վաթսունչորս հազար քսանհինգ ) ՀՀ դրամ, որը 60-օրյա ժամկետում պետք է վճարել Փարաքարի համայնքային բյուջե՝ Հայաստանի Հանրապետության ֆինանսների նախարարության գործառական վարչության 900325191139 հաշվեհամարին, չվճարելու դեպքում որոշումը ճանաչել ուժը կորցրած:
3. Հողամասին տալ հասցե. Արմավիրի մարզ, գյուղ Փարաքար, Մուսա լեռան փողոց N24:
4. Սույն որոշումից բխող գույքային իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի անշարժ գույքի գրանցման միասնական ստորաբաժանման կողմից:
5. Հետագա կառուցապատումն իրականացնել Հայաստանի Հանրապետության քաղաքաշինության բնագավառի օրենսդրության պահանջներին համապատասխան, նախապես համաձայնեցված և հաստատված նախագծային փաստաթղթերի հիման վրա Փարաքարի համայնքի ղեկավարի կողմից տրված շինարարության թույլտվության համաձայն:
6.Սույն որոշումն ուժի մեջ մտնելուց հետո երկամսյա ժամկետում կարող է բողոքարկվել վարչական կարգով Փարաքար համայնքի ղեկավարին կամ դատական կարգով Հայաստանի Հանրապետության վարչական դատարան: