Ղեկավարվելով Հայաստանի Հանրապետության Կառավարության 2002 թվականի փետրվարի 2-ի N 88 որոշմամբ, Հայաստանի Հանրապետության Արմավիրի մարզի Փարաքարի գյուղական համայնքի ավագանու 2012 թվականի մարտի 28-ի ,,Փարաքարի գյուղական համայնքի (բնակավայրի) պարզեցված գլխավոր հատակագիծը հաստատելու մասին,, 15-Ն որոշմամբ, հիմք ընդունելով Կարինե և Սամվել Սեկոյանների 2019 թվականի ապրիլի 15-ի դիմումը, որոշում եմ.
1. Կարինե և Սամվել Սեկոյաններին սեփականության իրավունքով պատկանող Արմավիրի մարզի Թաիրով գյուղի Մայրաքաղաքային փողոց N 236/2 հասցեում, բնակավայրերի խառը կառուցապատման գոտում գտնվող , բնակելի կառուցապատման 0.03267 հա մակերեսով հողամասի (կադաստրային համարը՝ 04-094-0157-0033, վկայական N 20122017-04-0062, տրված 20.12.2017 թվականին) գործառնական նշանակությունը փոխել որպես բնակավայրերի հասարակական կառուցապատման հող՝ առևտրի սրահ կառուցելու նպատակով:
2. Փարաքար համայնքի հողային հաշվեկշռում կատարել փոփոխություն. սույն՝ 0.03267 հա մակերեսով հողամասը, հանել բնակավայրերի բնակելի կառուցապատման հողերի հաշվեկշռից և ներառել հասարակական կառուցապատման հողերի հաշվեկշռում՝ որպես հասարակական օբյեկտների հող:
3 Հողամասի տալ հասցե. Արմավիրի մարզ, գյուղ Թաիրով, Մայրաքաղաքային փողոց N 236/2:
4. Սույն որոշումից բխող գույքային իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի անշարժ գույքի գրանցման միասնական ստորաբաժանման կողմից:
5. Սույն որոշումն ուժի մեջ է մտնում ընդունման պահից: