Ղեկավարվելով ,,Հայաստանի Հանրապետության համայնքների վարչական տարածքներում իրավունք հաստատող փաստաթղթերը չպահպանված անհատական բնակելի տների կարգավիճակի մասին,, Հայաստանի Հանրապետության 2008 թվականի նոյեմբերի 13-ի թիվ 1328-Ն օրենքով, Հայաստանի Հանրապետության կառավարության 2005 թվականի դեկտեմբերի 29-ի թիվ 2387 –Ն որոշմամբ, նկատի ունենալով, որ կառույցն իրականացվել է մինչև 2001 թվականի մայիսի 15-ը` 1965-1999-ական թվականներին, հողամասը ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանափակումների կազմում, այդ թվում՝ ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ, հիմք ընդունելով 2017 թվականի հոկտեմբերի 12-ին տրված ժառանգության իրավունքի վկայագրերը և համասեփականատեր Արման Մինասյանի 2017 թվականի նոյեմբերի 29-ի դիմումը. որոշում եմ՝
1. Վերականգնել Արմավիրի մարզի Փարաքար համայնքի Թաիրով գյուղում Ռոզա Սուրենի Սարգսյանի (ծնված 19.06.1951թ.) և Արման Վաչագանի Մինասյանի (ծնված 20.06.1977 թ.) գույքային իրավունքները՝ ճանաչել նրանց սեփականության իրավունքը 0.012հա սեփականության իրավունքով պատկանող և 0.0032 հա ավել օգտագործվող հողամասի և 123.4 քառակուսի մետր ընդհանուր մակերեսով բնակելի տան նկատմամբ: Սեփականության իրավունքը՝ճանաչել համաձայն հողամասի և շինությունների հատակագծերի՝ տրված «Մանուկյան Աստղիկ» ԱՁ-ի կողմից: Վերականգնումը կատարվում է անհատույց սեփականության իրավունքով:
2.Բնակելի տանը և հողամասին տրամադրել հասցե. Հայաստանի Հանրապետություն, Արմավիրի մարզ, գյուղ Թաիրով, Սարի Թաղի փողոց 1-ին փակուղի 1-ին շենք, բնակարան N 4(նախկինում եղել է Էջմիածնի շրջան, Թաիրովի սովխոզ, Երևանյան փողոց N 11): 3. Սույն որոշումից բխող գույքային իրավունքները ենթակա են գրանցման Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմի մարզերի միավորված ստորաբաժանման կողմից:
:4. Սույն որոշումն ուժի մեջ է մտնում ընդունման պահից: