Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 14-րդ հոդվածի 2-րդ կետով, 18-րդ հոդվածի 1-ին մասի 20-րդ կետով, <<Աղբահանության և սանիտարական մաքրման մասին>> Հայաստանի Հանրապետության օրենքի 10-րդ հոդվածի 4-րդ կետով և հիմք ընդունելով սույն թվականի հունվար ամսին Փարաքար համայնքում իրականացված համայնքի բնակիչների նախաձեռնության խմբի առաջարկությունը. համայնքի ավագանին որոշում է՝ 1. Հաստատել Փարաքար համայնքի բնակիչների կողմից ներկայացված <<Փարաքար համայնքի աղբահանության ծառայության մատուցման գրաֆիկը խտացնելու և համայնքի փողոցներում աղբաարկղեր տեղադրելու վերաբերյալ>> նախաձեռնությունն՝ ըստ նախաձեռնության դիմումին կից ներկայացված փաստաթղթերի:
2. Համայնքի փողոցներից (Նաիրի, Վազգեն Սարգսյան, Տերյան, Գրիգոր Լուսավորիչ, Շառլ Ազնավուր, Ջիվանի, Շիրազի,Թամանցիներ, Մհեր Մկրտչյան,Վաղարշապատի և հարակից փողոցներ, Երևանյան նրբանցք, Արցախ թաղամաս, Թաիրովի գերեզմանների ճանապարհ՝ յոթ հարակից փողոցներով, Թաիրովի դպրոցի շրջակայք, Փարաքարի Մեքենագործների շենքեր, Թաիրովի N 1-7 շենքերի հարակից տարածքներ և այլն) յուրաքանչյուրում տեղադրել նվազագույնը երկուական ընդհանուր օգտագործման աղբարկղեր՝ օրենքով սահմանված սանիտարահիգենիկ նորմերին և կանոններին համապատասխան:
3.Խտացնել Փարաքար համայնքի աղբահանության ծառայության մատուցման գրաֆիկը՝ դարձնելով այն ամենօրյա համայնքի ընդհանուր օգտագործման տարածքներում և շաբաթական երկու անգամ՝ բնակչության համար:
4. Սույն որոշումն ուժի մեջ է մտնում ընդունման պահից:
|