Ղեկավարվելով «Հայաստանի Հանրապետության ընտրական օրենսգիրք» սահմանադրական օրենքի 142.2-րդ հոդվածի 5-8-րդ մասերի, 142.3-րդ հոդվածով, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 2-րդ կետի պահանջներով, 57-րդ հոդվածի 2-րդ մասով և հիմք ընդունելով Հայաստանի Հանրապետության Արմավիրի մարզի Փարաքար համայնքի ավագանու <<Միասնություն>> խմբակցության՝ համայնքի ղեկավարի արտահերթ ընտրությանը թեկնածու առաջադրելու մասին  2025 թվականի հոկտեմբերի 6-ի գրությունը, հիմք ընդունելով ավագանու անդամների բաց քվեարկության արդյունքները. Փարքար համայնքի ավագանին որոշում է՝

1. Գրանցել Հայաստանի Հանրապետության Արմավիրի մարզի Փարաքար համայնքի ավագանում  ներկայացված <<Միասնություն>> խմբակցության  առաջադրած համայնքի ղեկավարի թեկնածու Օնիկ Արտավազդի Ախվերդյանին:

2. Հաստատել Հայաստանի Հանրապետության Արմավիրի մարզի Փարաքար համայնքի ղեկավարի 2025 թվականի հոկտեմբերի 7-ի արտահերթ ընտրության արդյունքները՝ համաձայն որի Փարաքար համայնքի ղեկավար է ընտրվում <<Միասնություն>>   խմբակցության կողմից ներկայացված թեկնածու Օնիկ Արտավազդի Ախվերդյանը:

3․ Սույն որոշումն ուժի մեջ է մտնում ընդունման պահից։