Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածի երկրորդ մասով, Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետով, Հայաստանի Հանրապետության կառավարության 2006 թվականի մայիսի 18-ի N 731-Ն որոշմամբ, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 33-րդ կետով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշման պահանջներով, նկատի ունենալով, որ կառույցի պահպանումը չի խախտում այլ անձանց իրավունքները, օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ քաղաքաշինական նորմերի ու կանոնների էական խախտումներով, ինչպես նաև չի գտնվում ինժեներատրանսպորտային օբյեկտների օտարման կամ անվտանգության գոտիներում, չի առաջացնում հարկադիր սերվիտուտ պահանջելու իրավունք, շինության զբաղեցրած հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի սահմանափակումների ցանկում, հիմք ընդունելով Հայաստանի Հանրապետության «Արտագերատեսչական փորձաքննություն» ՓԲԸ-ի կողմից 2021 թվականի հունիսի 3-ին տրված շենքի տեխնիկական վիճակի վերաբերյալ եզրակացությունը, հողամասի և շինության հատակագիծը` տրված 2021 թվականի հունիսի 3-ին «Միքայել Հակոբյան Լևոնի» Ա/Ձ-ի կողմից, շինությունը կատարած անձ Գարիկ Արթուրի Մադաթյանի 2021 թվականի հունիսի 8-ի դիմումը. Որոշում եմ`

1.Հայաստանի Հանրապետության Արմավիրի մարզի Փարաքար համայնքի, Փարաքար գյուղի, Իսահակ Գասպարյան փողոց թիվ 1 հասցեում գտնվող հողամասին կից 34.22 քառակուսի մետր մակերեսով համայնքային սեփականություն հանդիսացող հողամասի վրա գտնվող 34.22 քառակուսի մետր արտաքին մակերեսով հասարակական շինությունը, ճանաչել Փարաքար համայնքի սեփականությունը և օրինականացնել` համաձայն «Միքայել Հակոբյան Լևոնի» Ա/Ձ–ի կողմից տրված հողամասի և շինության հատակագծի:

2. Հողատարածքին և առկա շինությանը տալ հասցե. Հայաստանի Հանրապետություն, Արմավիրի մարզ, Փարաքար համայնք, գյուղ Փարաքար, Իսահակ Գասպարյան փողոց թիվ 1/1 հասարակական շինություն:

3. Հաշվի առնելով, որ կառույցն իրականացվել է Գարիկ Արթուրի Մադաթյանի կողմից և ընդունվել է առաջարկը՝ գնման նախապատվության իրավունքով ձեռք բերելու հողամասը և շինությունը, Գարիկ Արթուրի Մադաթյանին ուղղակի վաճառքով օտարել Արմավիրի մարզ, Փարաքար համայնքի, Փարաքար գյուղի, Իսահակ Գասպարյան փողոց թիվ 1/1 հասցեում գտնվող 0.003422 հա մակերեսով հողամասը՝ առկա շինություններով:

4. 34.22 քառակուսի մետր մակերեսով բնակավայրերի նպատակային նշանակության, բնակելի կառուցապատման գործառնական նշանակության հողամասի գործառնական նշանակությունը փոխել որպես հասարակական կառուցապատման հող: Համայնքի հողային հաշվեկշռում կատարել համապատասխան փոփոխություն:

5. Ինքնակամ կառույցի օրինականացման և վաճառքի համար վճարը սահմանվում է յուրաքանչյուր մեկ քառակուսի մետր հասարակական շինության համար` 20844 դրամ, վճարման ենթակա գումարը կազմում է 713 281.68 (յոթ հարյուր տասներեք հազար երկու հարյուր ութսունմեկ դրամ և վաթսունութ լումա) ՀՀ դրամ, որը ենթակա է վճարման Փարաքար համայնքի վարչական եկամուտների 900325191154 հաշվեհամարին:

6.Մեկ քառակուսի մետր հողամասի օտարման վճարը` 6834.3 դրամ, որը 34.22 քառակուսի մետրի համար կկազմի 233 869,75 (երկու հարյուր երեսուներեք հազար ութ հարյուր վաթսունինը դրամ և յոթանասունհինգ լումա) ՀՀ դրամ, որը ենթակա է վճարման Փարաքար համայնքի ֆոնդային եկամուտների 900325191139 հաշվեհամարին:

7. Սույն որոշումից բխող գույքային իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի անշարժ գույքի գրանցման միասնական ստորաբաժանման կողմից: