Ղեկավարվելով Հայաստանի Հանրապետության հողային օրենսգրքի 7րդ հոդվածի 9-րդ մասով և հիմք ընդունելով Հայաստանի Հանրապետության Արմավիրի մարզի Փարաքար համայնքի ղեկավարի կողմից 2025 թվականի հունիսի 29-ին տրված ճարտարապետահատակագծային առաջադրանքի նախագիծը և «ԷԼԻՏ-ԳՐԱՆ» ՍՊԸ-Ի տնօրեն՝ Կարեն Գուրգենի Ղարիբյանի 2025 թվականի հուլիսի 29-ի N 3750 դիմումը, Փարաքար համայնքի ավագանու <<Քաղաքաշինության, հողօգտագործման և անշարժ գույքի հարցերի>> մշտական հանձնաժողովի 2025 թվականի օգոստոսի 1-ի N 4 որոշումը. Փարաքար համայնքի ավագանին որոշում է՝

1. Հայաստանի Հանրապետության Արմավիրի մարզի Փարաքար համայնքի Այգեկ գյուղում գտնվող` «ԷԼԻՏ-ԳՐԱՆ» ՍՊԸ-ԻՆ ընդհանուր համատեղ սեփականության իրավունքով պատկանող, 04-009-0145-0025 և 04-009-0145-0023 կադաստրային ծածկագրերով, 0,156258, 0.007107 հեկտար մակերեսներով գյուղատնտեսական նպատակային նշանակության /հողատեսքը՝ վարելահող/ հողամասի նշանակությունը փոփոխել` որպես արդյունաբերության, ընդերքօգտագործման և այլ արտադրական նպատակային նշանակության, գործառնական նշանակությունը՝ գյուղատնտեսական արտադրական օբյեկտների՝ հետագայում գյուղատնտեսական արտադրանք վերամշակող տնտեսություն կառուցելու համար:

2. Հանձնարարել համայնքի ղեկավարին՝ կատարելու սույն որոշումից բխող գործառույթները:

3. Սույն որոշումն ուժի մեջ է մտնում ընդունման պահից: