Ղեկավարվելով Հայաստանի Հանրապետության քաղաքացիական օրենսգրքի 685-րդ հոդվածի 1-ին մասով, 687-րդ և 689-րդ հոդվածներով, հիմք ընդունելով Հայաստանի Հանրապետության Արմավիրի մարզի Փարաքար համայնքի ավագանու 2025 թվականի օգոստոսի 4-ի N86-Ա որոշումը և «Նշան և Աիդա Կարայանների անվան» Փարաքարի կրթական հիմնադրամի հոգաբարձուների խորհրդի նիստի 2025 թվականի հուլիսի 25-ի արձանագրության քաղվածքը. ՈՐՈՇՈՒՄ ԵՄ՝

1. Հայաստանի Հանրապետության Արմավիրի մարզի Փարաքար համայնքին սեփականության իրավունքով պատկանող Փարաքար գյուղի Ի.Գասպարյան փողոց թիվ 2 հասցեում գտնվող 04-094-0063-0005-001 կադաստրային ծածկագրով դպրոցի շենքը՝ 1642,22 քառակուսի մետր մակերեսով (անշարժ գույքի իրավունքի պատական գրանցման թիվ 24062025-04-0080 վկայական, տրված 2025 թվականի հունիսի 24-ին), անհատույց օգտագործման իրավունքով, 25 (քսանհինգ) տարի ժամկետով տրամադրել «Գյումրիի տեղեկատվական տեխնոլոգիաների կենտրոն» գիտակրթական հիմնադրամին (պետական գրանցման համարը՝ 222.160.00574, գրանցման ամսաթիվը՝ 2006 թվականի փետրվարի 20, ՀՎՀՀ 05532905):

2. Հայաստանի Հանրապետության Արմավիրի մարզի Փարաքար համայնքի ղեկավարի տեղակալին (Լուսինե Սիմոնյան)՝ 

1) «Գյումրիի տեղեկատվական տեխնոլոգիաների կենտրոն» գիտակրթական հիմնադրամի գործադիր տնօրեն Ամալյա Եղոյանի հետ կնքել անշարժ գույքի անհատույց օգտագործման պայմանագիր.

2) անշարժ գույքի անհատույց օգտագործման պայմանագրից ծագող իրավունքները ներկայացնել պետական գրանցման.

3) սույն որոշման 1-ին կետում նշված գույքի՝ սահմանված կարգով անհատույց օգտագործման պայմանագրի կնքման, դրա նոտարական վավերացման, պայմանագրից բխող գույքային իրավունքի պետական գրանցման աշխատանքները և նշված գործողությունների իրականացման համար անհրաժեշտ ծախսերն իրականացնել Փարաքար համայնքի բյուջեի միջոցների հաշվին։

3. Սույն որոշումն ուժի մեջ է մտնում այն ընդունման պահից: