Ղեկավարվելով «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության օրենքով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ կետով, Հայաստանի Հանրապետության հողային օրենսգրքի 64-րդ հոդվածի 2-րդ կետի 1-ին, 2-րդ, 3-րդ ենթակետերով, 3-րդ կետով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ կետով, նկատի ունենալով, որ կառույցն իրականացվել է մինչև 2001 թվականի մայիսի 15-ը, հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանափակումների ցանկում, այդ թվում՝ ինժեներատրանսպորտային օբյեկտների օտարման գոտիներում, կառույցի պահպանումը չի խախտում այլ անձանց իրավունքները, օրենքով պահպանող շահերը, վտանգ չի սպառնում քաղաքացիների կյանքին և առողջությանը, կառուցված չէ քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, հիմք ընդունելով 2023 թվականի փետրվարի 27-ի Փարաքարի գյուղխորհրդի 1991-1995 թթ. թիվ 16 տնտեսությունների գրքից Վարդան Աբաջյանի թիվ 1503 տնտեսության լուսապատճենը, Հայաստանի Հանրապետության Սեփականության վկայագիրը տրված 1987 թվականի դեկտեմբերի 4-ին (գրանցման գիրք 13/700), «ՋԻՎԱՆ ՀԱՐՈՒԹՅՈՒՆՅԱՆ ԱՐՍԵՆԻ» անհատ ձեռնարկատիրոջ կողմից տրված հողամասի և շինության հատակագիծը, քաղաքացի Վարդան Մերուժանի Աբաջյանի 2025 թվականի հունիսի 26-ի N 2970 դիմումը. որոշում եմ՝

1. Վերականգնել Վարդան Մերուժանի Աբաջյանի (ծնված 1954 թվականի ապրիլի 5-ին) սեփականության իրավունքները Հայաստանի Հանրապետության Արմավիրի մարզի Փարաքար համայնքի Փարաքար գյուղում գտնվող գույքային միավորի՝ 1995 թվականին կառուցված բնակելի տան, 1995 թվականին կառուցված բնակելի տան, 1980 թվականին կառուցված կիսակառույց բնակելի տան, 1980 թվականին կառուցված աստ. հարթակի, 1980 թվականին կառուցված կիս. բնակելի տան/նկուղ/ և 04-094-0109-0022 կադաստրային ծածկագրով 0.1510 հեկտար մակերեսով բնակավայրերի նպատակային նշանակության, բնակելի կառուցապատման գործառնական նշանակության հողամասի նկատմամբ: Նշված հողամասից 1200 քառակուսի մետր մակերեսով հողամասը հատկացված բնակավայրերի նպատակային նշանակության բնակելի կառուցապատման գործառնական նշանակության հողամասն է, 240.0 քառակուսի մետր մակերեսով հողամասը առաջին պետական գրանցման աշխատանքների իրականացման ընթացքում կադաստրային քարտեզագրման արդյունքում անշարժ գույքի չափի 20 տոկոսն է, իսկ 70.0 քառակուսի մետր մակերեսով հողամասն ավել օգտագործվող հողամասն է:

2. 70.0 քառակուսի մետր մակերեսով ավել օգտագործվող հողամասն ուղղակի վաճառքի միջոցով օտարել Վարդան Մերուժանի Աբաջյանին ՝ հողամասի տվյալ պահին գործող կադաստրային արժեքի՝ 6834.3 Հայաստանի Հանրապետության դրամի 30 տոկոսի չափով, որը մեկ քառակուսի մետրի համար կազմում է 2050.29 Հայաստանի Հանրապետության դրամ: Վճարման ենթակա գումարը կազմում է 143 520,30 (մեկ հարյուր քառասուներեք հազար հինգ հարյուր քսան Հայաստանի Հանրապետության դրամ երեսուն լումա) Հայաստանի Հանրապետության դրամ, որը ենթակա է վճարման Փարաքարի համայնքային բյուջե՝ Հայաստանի Հանրապետության ֆինանսների նախարարության գործառական վարչության 900325191139 հաշվեհամարին:

3. Հողատարածքին և շինությանը տրամադրել հասցե. Հայաստանի Հանրապետություն, Արմավիրի մարզ, Փարաքար համայնք, գյուղ Փարաքար, Գ. Նժդեհի փողոց, թիվ 42 բնակելի տուն (Ծածկագիր 0412D8CUV3V):

4. Սույն որոշումից բխող գույքային իրավունքները ենթակա են գրանցման Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի մարզերի միավորված ստորաբաժանման կողմից:

5. Սույն որոշումն ուժի մեջ է մտնում ընդունման պահից: