Ղեկավարվելով «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության օրենքով, Հայաստանի Հանրապետության հողային օրենսգրքի 64-րդ հոդվածի 2-րդ կետի 1-ին, 2-րդ, 3-րդ ենթակետերով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածով, հիմք ընդունելով քաղաքացի Ամազար Դավիթի Քանանյանի 2024 թվականի ապրիլի 18-ի դիմումը, Հայաստանի Հանրապետության Արմավիրի մարզի Պտղունքի համայնքապետարանի 2018 թվականի նոյեմբերի 7-ի թիվ 330 տեղեկանքը, Հայաստանի Հանրապետության Արմավիրի մարզի առաջին ատյանի ընդհանուր իրավասության դատարանի 2022 թվականի մայիսի 11-ի վճիռը, «Արմեն Բեկնազարյան» անհատ ձեռնարկատիրոջ կողմից տրված հողամասի և շինության հատակագիծը, հաշվի առնելով այն հանգամանքը, որ Հայաստանի Հանրապետության Արմավիրի մարզի Փարաքար համայնքի Պտղունք գյուղում գտնվող կառույցներն իրականացվել են մինչև 2001 թվականի մայիսի 15-ը և դրանց պահպանումը չի խախտում այլ անձանց իրավունքներն ու օրենքով պահպանվող շահերը, կատուցված չեն քաղաքաշինական նորմերի ու կանոնների էական խախտումներով, չեն առաջացնում հարկադիր սերվիտուտ պահանջելու իրավունք և չեն գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում, առաջին պետական գրանցման աշխատանքների իրականացման ընթացքում կադաստրային քարտեզագրման արդյունքում հաշվառված փաստացի օգտագործվող հողամասը նախատեսված չէ այլ նպատակային և գործառնական նշանակությամբ օգտագործելու համար, ընդգրկված չէ ինժիներատրանսպորտային օբյեկտների օտարման և սպասարկման համար նախատեսված տարածքներում, հնագիտական, պատմամշակութային հուշարձանների պահպանության գոտիներում, բնապահպանական արժեք ներկայացնող հողամասերում. որոշում եմ՝

1. Վերականգնել` Ամազար Դավիթի Քանանյանի (ծնված` 1966 թվականի մայիսի 20-ին) սեփականության իրավունքը Հայաստանի Հանրապետության Արմավիրի մարզի Փարաքար համայնքի Պտղունք գյուղի Հայկի փողոց թիվ 2 հասցեում գտնվող գույքային միավորների՝ 1985 թվականին կառուցված բնակելի տան /նկուղ/, 1985 թվականին կառուցված բնակելի տան /նկուղ/, 1985 թվականին կառուցված բնակելի տան, 1985 թվականին կառուցված պատշգամբի, 1985 թվականին կառուցված բնակելի տան, 1985 թվականին կառուցված բաց պատշգամբի, 1985 թվականին կառուցված օժանդակ շինության, 1985 թվականին կառուցված հարթակի, 1985 թվականին կառուցված սանհանգույցի, 1985 թվականին կառուցված ծածկի, 1985 թվականին կառուցված պարսպի և 04-082-0074-0001 կադաստրային ծածկագրով` 0.095216 հեկտար բնակավայրերի նպատակային նշանակության, բնակելի կառուցապատման գործառնական նշանակության հողամասի նկատմամբ` համաձայն «Արմեն Բեկնազարյան» անհատ ձեռնարկատիրոջ կողմից տրված հատակագծի: Նշված հողամասից 152 քառակուսի մետր ավել զբաղեցրած հողամասն անհատույց տրաադրել Ամազար Դավիթի Քանանյանին:

2. Սույն որոշումից բխող գույքային իրավունքները ենթակա են գրանցման Հայաստանի Հանրապետության կառավարությանն առընթեր կադաստրի կոմիտեի անշարժ գույքի գրանցման միասնական ստորաբաժանումում:

3 . Սույն որոշումն ուժի մեջ է մտնում ընդունման պահից: