Ղեկավարվելով «Շրջակա միջավայրի վրա ազդեցության գնահատման և փորձաքննության մասին» Հայաստանի Հանրապետության օրենքի 11-րդ, 16-րդ հոդվածներով և Հայաստանի Հանրապետության կառավարության 2014 թվականի նոյեմբերի 19-ի N1325-Ն որոշման հավելվածի 28-րդ կետով՝ Փարաքար համայնքի ավագանին որոշում է. 1. Տալ նախնական համաձայնություն <<Արծրուն Գալստյան>> սահմանափակ պատասխանատվությամբ ընկերության կողմից ՀՀ Արմավիրի մարզի Փարաքար համայնքի Մերձավան գյուղի վարչական տարածքում գտնվող ՀՀ Արմավիրի մարզի Փարաքարի բազալտների հանքավայրի տեղամասում օգտակար հանածոյի արդյունահանում նախատեսվող գործունեության իրականացմանը:
2. Առաջարկել Փարաքար համայնքի ղեկավարին՝ սույն որոշումը, հանրային լսման արձանագրությունը, լուսանկարները կամ տեսաձայնագրությունն, առկայության դեպքում՝ նաև շահագրգիռ հանրության կարծիքները, դիտողությունները և առաջարկություններն օրենսդրությամբ սահմանված կարգով և ժամկետներում տրամադրել լիազոր մարմնին և նախաձեռնողին:
3. Սույն որոշումն ուժի մեջ է մտնում ընդունման պահից: |