Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 10-րդ, 11-րդ կետերով, 13-րդ կետի ա) և բ) ենթակետերով, Հայաստանի Հանրապետության Արմավիրի մարզի Փարաքար համայնքի միկրոռեգիոնալ մակարդակի համակցված տարածական պլանավորման Արմավիր-8 նախագիծը հաստատելու մասին Հայաստանի Հանրապետության Արմավիրի մարզի Փարաքար համայնքի ավագանու 2022 թվականի մարտի 2-ի թիվ 19-Ա որոշմամբ, նկատի ունենալով, որ հողամասն ընգրկված չէ Հայաստանի Հանրապետության հողային օրենսգրքի 60-րդ հոդվածի սահմանափակումների կազմում, կառույցի պահպանումը չի խախտում այլ անձանց իրավունքները, օրենքով պահպանող շահերը, վտանգ չի սպառնում քաղաքացիների կյանքին և առողջությանը, կառուցված չէ քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, հիմք ընդունելով «ՍԻՄԿԱՐՇԻՆՆԱԽԱԳԻԾ» սահմանափակ պատասխանատվությամբ ընկերության կողմից 2025 թվականի փետրվարի 18-ին տրված շենքի տեխնիկական վիճակի վերաբերյալ եցրակացությունը, Հայաստանի Հանրապետության Կադաստրի կոմիտեի կողմից 2024 թվականի նոյեմբերի 29-ին տրված հաշվառման (չափագրման) տվյալների մուտքագրման տեղեկանքը (չափագրման տվյալների մուտքագրման ծածկագիր՝ 2024WWJCZ5), ««Մուսալեռ» տպագրատուն» սահմանափակ պատասխանատվությամբ ընկերության տնօրեն Ռուբիկ Կարապետի Հարությունյանի 2025 թվականի փետրվարի 4-ի N 1028 և 1027 դիմումները. որոշում եմ՝
1. Օրինականացնել Հայաստանի Հանրապետության Արմավիրի մարզի Փարաքար համայնքի Մուսալեռ գյուղի Րաֆֆու փողոց թիվ 1 հասցեում գտնվող՝ ««Մուսալեռ» տպագրատուն» սահմանափակ պատասխանատվությամբ ընկերությանը սեփականության իրավունքով պատկանող՝ 04-069-0037-0009 կադաստրային ծածկագրով բնակավայրերի նպատակային նշանակության, բնակելի կառուցապատման գործառնական նշանակության, հողամասի վրա կառուցված՝ 1316.2 քառակուսի մետր արտաքին մակերեսով բազմաֆունկցիոնալ հասարակական շինությունը, 346. 7 քառակուսի մետր արտաքին մակերեսով բազմաֆունկցիոնալ հասարակական շինությունը և 955.1 քառակուսի մետր արտաքին մակերեսով օժանդակ շինությունը՝ համաձայն համապատասխան որակավորում ունեցող անձի՝ «ԱՐՏ ՊԻՐԱՄԻԴ» սահմանափակ պատասխանատվությամբ ընկերության կողմից տրված հողամասի և շինությունների հատակագծերի:
2. Ինքնակամ կառույցի օրինականացման համար վճարը 1 քառակուսի մետր բազմաֆունկցիոնալ հասարակական շինությունների և օժանդակ շինության համար կազմում է 3938 Հայաստանի Հանրապետության դրամ: Վճարման ենթակա ընդհանուր գումարը կազմում է 10 309 684 (տաս միլիոն երեք հարյուր ինը հազար վեց հարյուր ութսունչորս) Հայաստանի Հանրապետության դրամ:
3. 04-069-0037-0009 կադաստրային ծածկագրով հողամասի գործառնական նշանակությունը փոխել՝ որպես հասարակական կառուցապատման հող: Փարաքար համայնքի հողային հաշվեկշռում կատարել համապատասխան փոփոխություն: Նույն հողամասի վրա առկա շինությունների՝ վարչական շենքի, պահակատան, գրասենյակի, ենթակայանի, տպարանների, արտադրամասի, օդամղիչի, մեխանիկականի, ծածկերի և պարսպի գործառնական նշանակությունները, փոխել որպես հասարակական՝ վարչական շենքի, պահակատան, գրասենյակի, ենթակայանի, տպարանների, արտադրամասի, օդամղիչի, մեխանիկականի, ծածկերի և պարսպի:
4. Օրինականացման համար սահմանված վճարը որոշման ընդունման օրվանից 60-օրյա ժամկետում պետք է վճարվի Հայաստանի Հանրապետության ֆինանսների նախարարության գործառական վարչության Փարաքար համայնքի Մուսալեռ գյուղի 900325176155 հաշվեհամարին, չվճարելու դեպքում որոշումը համարել ուժը կորցրած:
5. Սույն որոշումից բխող գույքային իրավունքները ենթակա են գրանցման Հայաստանի Հանրապետության կադաստրի կոմիտեի անշարժ գույքի գրանցման միասնական ստորաբաժանումում: