Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ, նկատի ունենալով, որ հողամասն ընգրկված չէ Հայաստանի Հանրապետության հողային օրենսգրքի 60-րդ հոդվածի սահմանափակումների կազմում, կառույցի պահպանումը չի խախտում այլ անձանց իրավունքները, օրենքով պահպանող շահերը, վտանգ չի սպառնում քաղաքացիների կյանքին և առողջությանը, կառուցված չէ քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, 2005 թվականի դեկտեմբերի 29-ի N 2387-Ն որոշման պահանջներով, հիմք ընդունելով «ՍԵՅՍՄՇԻՆ» սահմանափակ պատասխանատվությամբ ընկերության կողմից 2025 թվականի մարտի 14-ին տրված շենքի տեխնիկական վիճակի վերաբերյալ եզրակացությունը, Հայաստանի Հանրապետության Կադաստրի կոմիտեի կողմից 2024 թվականի դեկտեմբերի 30-ին տրված հաշվառման տվյալների մուտքագրման տեղեկանքը (չափագրման տվյալների մուտքագրման ծածկագիր՝ 2024EFLXZN) և հողամասի սեփականատեր Ռուզան Հենրիկի Ղազարյանի 2025 թվականի մարտի 19-ի N 1349 դիմումը. որոշում եմ՝

 1.Օրինականացնել Հայաստանի Հանրապետության Արմավիրի մարզի Փարաքար համայնքի Մերձավան գյուղում գտնվող՝ Ռուզան Հենրիկի Ղազարյանին, սեփականության իրավունքով պատկանող՝ 04-065-0072-0031 և 04-065-0072-0040 կադաստրային ծածկագրերով, արդյունաբերության, ընդերքօգտագործման և այլ արտադրական օբյեկտների, գյուղատնտեսական արտադրական օբյեկտների գործառնական նշանակության հողամասի վրա կառուցված՝ 318,0 քառակուսի մետր ծածկոցը, 19,7 քառակուսի մետր ծածկոցը, 19,7 քառակուսի մետր արտաքին մակերեսով խորդանոցը, 142,8 քառակուսի մետր արտաքին մակերեսով սառնարանը, 14,0 քառակուսի մետր արտաքին մակերեսով պահակատեղին, 14,3 քառակուսի մետր պարիսպը՝ համաձայն համապատասխան որակավորում ունեցող անձի՝ «Ջիվան Հարությունյան Արսենի» անհատ ձեռնարկատիրոջ կողմից տրված հողամասի և շինությունների հատակագծի:

2. Ինքնակամ կառույցի օրինականացման համար վճարը 1 քառակուսի մետր սառնարանի, ծածկոցների, խորդանոցի, պահակատեղիի և պարսպի համար կազմում է 2953.50 Հայաստանի Հանրապետության դրամ: Վճարման ենթակա ընդհանուր գումարը կազմում է 1 560 924,75 (մեկ միլիոն հինգ հարյուր վաթսուն հազար ինը հարյուր քսանչորս Հայաստանի Հանրապետության դրամ յոթանասունհինգ լումա) Հայաստանի Հանրապետության դրամ:

3. Հայաստանի Հանրապետության Արմավիրի մարզի Փարաքար համայնքի Մերձավան գյուղի Երևանյան խճուղի 1-ին փակուղի N 1/1 և Երևանյան խճուղի 1-ին փակուղի N 1/2 հասցեներում գտնվող արդյունաբերության, ընդերքօգտագործման և այլ արտադրական նպատակային նշանակության գյուղատնտեսական արտադրական օբյեկտների գործառնական նշանակության հողամասերի միավորումից առաջացած անշարժ գույքին տալ մեկ միասնական հասցե. Հայաստանի Հանրապետություն, Արմավիրի մարզ, Փարաքար համայնք, Մերձավան գյուղ, Երևանյան խճուղի,1-ին փակուղի, 1/1 շինություն (04062BLQ5A2J):

4. Օրինականացման համար սահմանված վճարը որոշման ընդունման օրվանից 60-օրյա ժամկետում պետք է վճարվի Հայաստանի Հանրապետության ֆինանսների նախարարության գործառական վարչության Փարաքար համայնքի Մերձավան գյուղի 900325175231 հաշվեհամարին, չվճարելու դեպքում որոշումը համարել ուժը կորցրած:

5. Սույն որոշումից բխող գույքային իրավունքները ենթակա են գրանցման Հայաստանի Հանրապետության կադաստրի կոմիտեի անշարժ գույքի գրանցման միասնական ստորաբաժանումում: