Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 206-րդ հոդվածի 2-րդ մասով, 685-րդ հոդվածի 1-ին մասով, 687-րդ և 689-րդ հոդվածներով և հիմք ընդունելով Հայաստանի Հանրապետության Տարածքային Զարգացման Հիմնադրամի գրությունը ՝ Փարաքար համայնքի ավագանին որոշում է. 1. Հայաստանի Հանրապետության Արմավիրի մարզի Փարաքար գյուղական համայնքին սեփականության իրավունքով պատկանող՝ Հայաստանի Հանրապետության Արմավիրի մարզի Փարաքար համայնքի Մուսալեռ գյուղի Շառլ Տիրան Թեքեյան փողոց թիվ 2/2 հասցեում գտնվող 0,0794 հա բնակավայրի նպատակային նշանակության, հասարակական կառուցապատման գործառնական նշանակության հողամասն անհատույց օգտագործման իրավունքով նվիրել Հայաստանի Հանրապետությանը՝ Մուսալեռ գյուղում բժշկական ամբուլատորիա կառուցելու համար:
2. Տարածքային զարգացման հիմնադրամի հետ կնքել անշարժ գույքի անհատույց օգտագործման պայմանագիր:
3. Անշարժ գույքի անհատույց օգտագործման պայմանագրից ծագող իրավունքները ներկայացնել պետական գրանցման:
4. Սույն որոշումն ուժի մեջ է մտնում այն ընդունման պահից: |