Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 3-րդ կետով և 3-րդ մասով, 34-րդ հոդվածի 1-ին մասով, հիմք ընդունելով Հայաստանի Հանրապետության կադաստրրի կոմիտեի կողմից 2025 թվականի հուլիսի 23-ին տրված գույքի նկատմամբ իրավունքի պետական գրանցման վարույթը կասեցնելու մասին N Կ-23072025-04-0139 որոշումը, քաղաքացի Նվեր Աղասու Սուքիասյանի 2025 թվականի հուլիսի 25-ի թիվ 3683 դիմումը. որոշում եմ՝

1. Հայաստանի Հանրապետության Արմավիրի մարզի Փարաքար համայնքի ղեկավարի 2025 թվականի հունիսի 25-ի «Բնակելի տան նկատմամբ գույքային իրավունքների վերականգնելու, ինքնակամ շինություններն օրինականացնելու և հասցե տրամադրելու մասին» թիվ 556-Ա որոշման մեջ կատարել փոփոխություններ՝

1) որոշման նախաբանում «Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ կետով,» թվերից և բառերից հետո լրացնել «Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ» թվերը և բառերը,

2) որոշման 1-ին կետը շարադրել նոր խմբագրությամբ՝ հետևյալ բովանդակությամբ. «Օրինականացնել Հայաստանի Հանրապետության Արմավիրի մարզի Փարաքար համայնքի Նորակերտ գյուղում գտնվող ՝ Նվեր Աղասու Սուքիասյանին և մյուսներին սեփականության իրավունքով պատկանող՝ 04-074-0039-0008 կադաստրային ծածկագրով, բնակավայրերի նպատակային նշանակության, բնակելի կառուցապատման գործառնական նշանակության հողամասի վրա ինքնակամ կառուցված՝ 15.4 քառակուսի մետր արտաքին մակերեսով բնակելի տան նկուղը, 35.9 քառակուսի մետր արտաքին մակերեսով բնակելի տունը, 17.9 քառակուսի մետր մակերեսով ծածկը, 5.4 քառակուսի մետր արտաքին մակերեսով պարիսպը, համաձայն «Ավագ Ավագյան Գագիկի» անհատ ձեռնարկատիրոջ կողմից տրված հատակագծի, իսկ հողամասում առկա 3.9 քառակուսի մետր մակերեսով պարիսպը թողնել ինքնակամ:»:

2. Սույն որոշումն ուժի մեջ է մտնում ընդունման պահից: