Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 3-րդ կետով և 3-րդ մասով, 34-րդ հոդվածի 1-ին մասով, հիմք ընդունելով քաղաքացի Մարինե Վլադիկի Գևորգյանի և մյուսների 2025 թվականի օգոստոսի 4-ի թիվ 3851 դիմումը. որոշում եմ՝

1. Հայաստանի Հանրապետության Արմավիրի մարզի Փարաքար համայնքի ղեկավարի 2025 թվականի մայիսի 20-ի «Մարինե Վլադիկի Գևորգյանի կողմից կատարած ինքնակամ շինությունների օրինականացման մասին» թիվ 400-Ա որոշման մեջ կատարել փոփոխություն և լրացում՝

1) որոշման վերնագրում «Մարինե Վլադիկի Գևորգյանի» բառերից հետո լրացնել՝ « և մյուսների »: բառը,

2) որոշման նախաբանում «Մարինե Վլադիկի Գևորգյանի» բառերից հետո լրացնել՝ « և մյուսների»: բառը,

3) որոշման 1-ին կետը շարադրել նոր խմբագրությամբ՝ հետևյալ բովանդակությամբ. «Օրինականացնել Հայաստանի Հանրապետության Արմավիրի մարզի Փարաքար համայնքի Մերձավան գյուղի Երիտասարդության փողոց 9 հասցեում գտնվող՝ Մարինե Վլադիկի Գևորգյանին և մյուսներին ընդհանուր բաժնային սեփականության իրավունքով պատկանող՝ 04-065-0037-0030 կադաստրային ծածկագրով, բնակավայրերի նպատակային նշանակության, բնակելի կառուցապատման գործառնական նշանակության հողամասի վրա կառուցված՝ 37.1 քառակուսի մետր արտաքին մակերեսով բնակելի տունը, 37.1 քառակուսի մետր արտաքին մակերեսով կիսանկուղը, 2,4 քառակուսի մետր արտաքին մակերեսով աստիճանավանդակը, համաձայն համապատասխան որակավորում ունեցող անձի՝ «ԶԱՎԵՆ ԲԱԲԱՍՅԱՆ» անհատ ձեռնարկատիրոջ կողմից տրված հողամասի և շինությունների հատակագծի:»:

2. Սույն որոշումն ուժի մեջ է մտնում ընդունման պահից: