Ղեկավարվելով «Տեղական ինքնակառավարման մասին» օրենքի 13-րդ հոդվածի 6-րդ և 7-րդ մասերով, հիմք ընդունելով Հայաստանի Հանրապետության Արմավիրի մարզի Փարաքար համայնքի ավագանու 2025 թվականի մայիսի 2-ի թիվ 9-Ա որոշմամբ ընդունված ավագանու կանոնակարգի 84-88-րդ և 95-րդ կետերը, ինչպես նաև «Քաղաքացիական պայմանագիր», «Ազգային առաջընթաց», «Միասնություն դաշինք» խմբակցությունների կողմից մշտական գործող հանձնաժողովների կազմի վերաբերյալ ներկայացված առաջարկությունները՝ Փարաքար համայնքի ավագանին որոշում է.

1. Ստեղծել Հայաստանի Հանրապետության Արմավիրի մարզի Փարաքար համայնքի ավագանու մշտական գործող հանձնաժողովներ և հաստատել դրանց անհատական կազմը՝ համաձայն հավելվածի:

2. Հանձնաժողովների ստեղծելու մասին ավագանու որոշման ընդունման օրվանից հնգօրյա ժամկետում գումարվում են հանձնաժողովների առաջին նիստերը, որոնց ժամանակ հանձնաժողովների կազմերից ընտրվում են հանձնաժողովների նախագահներն ու քարտուղարները և մեկամսյա ժամկետում ընդունվում են հանձնաժողովների աշխատակարգերը:

3. Հանձնաժողովներն իրենց գործունեությունը կազմակերպում են ըստ ընդունած աշխատակարգերի:

4. Սույն որոշումն ուժի մեջ է մտնում ընդունման պահից: