Ղեկավարվելով Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետով, Հայաստանի Հանրապետության կառավարության 2003 թվականի դեկտեմբերի 24-ի N 1746-Ն որոշմամբ, Հայաստանի Հանրապետության Անշարժ գույքի հարկման նպատակով անշարժ գույքի շուկայական արժեքի մոտարկված կադաստրային գնահատման կարգը սահմանելու մասին օրենքով, ընդունված 2019 թվականի նոյեմբերի 19-ին N ՀՕ-225-Ն, միկրոռեգիոնալ մակարդակի համակցված տարածական պլանավորման Արմավիր-8 նախագիծը հաստատելու մասին Փարաքար համայնքի ավագանու 2022 թվականի մարտի 2-ի N 19-Ա որոշմամբ, հիմք ընդունելով գույքի առանձին որակական քանակական բնութագրերի և դրա նկատմամբ առանձին իրավունքների վերաբերյալ ԱՏ-23102025-04-1227 տեղեկանքը և  սեփականատեր Պետրոս Արթուրի Բաղջյանի 2025 թվականի հոկտեմբերի 13-ի N 5050 դիմումը, որոշում եմ՝

1. Պետրոս Արթուրի Բաղջյանին սեփականության իրավունքով պատկանող (սեփականության իրավունքի պետական գրանցման վկայական 19092025-04-0064), Հայաստանի Հանրապետության Արմավիրի մարզի Փարաքար համայնքի Փարաքար գյուղում գտնվող 04-094-0409-0032 կադաստրային ծածկագրով 0.04551 հեկտար մակերեսով գյուղատնտեսական նպատակային նշանակության, որից 0.0083.1 հեկտար մակերեսովը վարելահող, իսկ 0.0372 հեկտար մակերեսը խաղող գործառնական նշանակության հողամասը (գոտին՝ Ուրց Կոտայք-Շամիրամ, 3-րդ կարգի վարելահող` կադաստրային արժեքը՝ մեկ քառակուսի մետրի համար 159,5 դրամ և 3-րդ կարգի խաղող` կադաստրային արժեքը՝ մեկ քառակուսի մետրի համար 373.0 դրամ) փոխադրել բնակավայրերի նպատակային նշանակության հողերի կատեգորիա, որպես բնակելի կառուցապատման գործառնական նշանակության հող՝ բնակելի տուն կառուցելու համար:

2. Փոփոխվող հողի կադաստրային արժեքների տարբերությունը (1 քառակուսի մետր վարելահողի համար 6674.8 Հայաստանի Հանրապետության դրամ և 1 քառակուսի մետր խաղողի համար 6461.3 Հայաստանի Հանրապետության դրամ) 455.1 քառակուսի մետրի համար կազմում է 2 958 279,48 (երկու միլիոն ինը հարյուր հիսունութ հազար երկու հարյուր յոթանասունինը դրամ քառասունութ լումա) Հայաստանի Հանրապետության դրամ, ինչը 60-օրյա ժամկետում պետք է վճարել Փարաքարի համայնքային բյուջե՝ Հայաստանի Հանրապետության ֆինանսների նախարարության գործառական վարչության 900325191139 հաշվեհամարին, չվճարելու դեպքում որոշումը ճանաչել ուժը կորցրած:

3. Սույն որոշումից բխող գույքային իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի անշարժ գույքի գրանցման միասնական ստորաբաժանման կողմից:

4. Հետագա կառուցապատումն իրականացնել Հայաստանի Հանրապետության քաղաքաշինության բնագավառի օրենսդրության պահանջներին համապատասխան, նախապես համաձայնեցված և հաստատված նախագծային փաստաթղթերի հիման վրա Փարաքար համայնքի ղեկավարի կողմից տրված շինարարության թույլտվության համաձայն:

5.Սույն որոշումն ուժի մեջ մտնելուց հետո երկամսյա ժամկետում կարող է բողոքարկվել վարչական կարգով Փարաքար համայնքի ղեկավարին կամ դատական կարգով Հայաստանի Հանրապետության վարչական դատարան: