Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածի 4-րդ մասով՝ Փարաքար համայնքի ավագանին որոշում է.

         Հայաստանի Հանրապետության Արմավիրի մարզի Փարաքար համայնքի ավագանու 2024 թվականի փետրվարի 26-ի «Հայաստանի Հանրապետության Արմավիրի մարզի Փարաքար համայնքի Փարաքար գյուղի «Մերձավանի խճուղի»-ն «Էդիկ և Արմեն Կարապետյանների» փողոց անվանափոխելու մասին» թիվ 4-Ա որոշումը շարադրել նոր խմբագրությամբ՝ հետևյալ բովանդակությամբ.

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ՓԱՐԱՔԱՐ ՀԱՄԱՅՆՔԻ ՓԱՐԱՔԱՐ ԳՅՈՒՂԻ «ՄԵՐՁԱՎԱՆԻ» ԽՃՈՒՂԻՆ   «ԷԴԻԿ ԵՎ ԱՐՄԵՆ ԿԱՐԱՊԵՏՅԱՆՆԵՐԻ» ՓՈՂՈՑ ԱՆՎԱՆԱՓՈԽԵԼՈՒ ՄԱՍԻՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 22-րդ կետով, «Աշխարհագրական անվանումների մասին» Հայաստանի Հանրապետության օրենքի 4-րդ հոդվածի 5-րդ մասով,  Հայաստանի Հանրապետության կառավարության 2005 թվականի հոկտեմբերի 29-ի թիվ 2387-Ն որոշմամբ հաստատված կարգի 4-րդ կետով, հիմք ընդունելով Հայաստանի Հանրապետության Արմավիրի մարզի Փարաքար համայնքի Փարաքար բնակավայրի Մերձավանի խճուղու բնակիչների համատեղ դիմումը, ՀՀ կադաստրի կոմիտեի ԳՄ/17955-2023 թվակիր գրությունը, 2024 թվականի հունվարի 12-ին կայացած Հայաստանի Հանրապետության Արմավիրի մարզի Փարաքար համայնքի Փարաքար գյուղի  «Մերձավանի» խճուղին «Էդիկ և Արմեն Կարապետյանների» անվան փողոց անվանափոխելու մասին հանրային քննարկման արձանագրությունը, անշարժ գույքին հասցե տրամադրելու մասին 04094TFX4T8D ծածկագրով քաղվածքը ` Փարաքար  համայնքի   ավագանին  որոշում  է.

1.          Հայաստանի Հանրապետության Արմավիրի մարզի Փարաքար համայնքի Փարաքար գյուղի «Մերձավանի»  խճուղին անվանափոխել «Էդիկ և Արմեն Կարապետյանների» փողոցի։

2.         Հանձնարարել համայնքի ղեկավարին՝ կատարելու սույն որոշումից բխող գործառույթները։

3.         Սույն որոշումն ուժի մեջ է մտնում հրապարակմանը հաջորդող օրվանից։»։