Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 3-րդ կետով և 3-րդ մասով, 34-րդ հոդվածի 1-ին մասով, հիմք ընդունելով Հայաստանի Հանրապետության կադաստրրի կոմիտեի 2025 թվականի սեպտեմբերի 9-ին տրված գույքի նկատմամբ իրավունքի պետական գրանցման վարույթը կասեցնելու մասին N Կ-16092025-04-0225 որոշումը և քաղաքացի Ռիմա Սերյանի Սարկիսյանի կողմից լիազորված անձ Անդրանիկ Ռազմիկի Գրիշյանի 2025 թվականի հոկտեմբերի 31-ի թիվ 5428 դիմումը. որոշում եմ՝

1. Հայաստանի Հանրապետության Արմավիրի մարզի Փարաքար համայնքի ղեկավարի 2025 թվականի հուլիսի 4-ի «Բնակելի տան նկատմամբ գույքային իրավունքները վերականգնելու և հասցե տրամադրելու մասին» N 605-Ա որոշման մեջ կատարել փոփոխություններ՝

1) որոշման նախաբանը շարադրել նոր խմբագրությամբ՝ հետևյալ բովանդակությամբ. «Ղեկավարվելով «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության օրենքով, Հայաստանի Հանրապետության հողային օրենսգրքի 64-րդ հոդվածի 2-րդ կետի 1-ին, 2-րդ, 3-րդ ենթակետերով, Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշմամբ հաստատված կարգի 11-րդ կետով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ կետով, հաշվի առնելով այն հանգամանքը, որ Հայաստանի Հանրապետության Արմավիրի մարզի Փարաքար համայնքի Մուսալեռ գյուղում գտնվող կառույցներն իրականացվել են մինչև 2001 թվականի մայիսի 15-ը և դրանց պահպանումը չի խախտում այլ անձանց իրավունքներն ու օրենքով պահպանվող շահերը, կատուցված չեն քաղաքաշինական նորմերի ու կանոնների էական խախտումներով, չեն առաջացնում հարկադիր սերվիտուտ պահանջելու իրավունք և չեն գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում, առաջին պետական գրանցման աշխատանքների իրականացման ընթացքում կադաստրային քարտեզագրման արդյունքում հաշվառված փաստացի օգտագործվող հողամասը նախատեսված չէ այլ նպատակային և գործառնական նշանակությամբ օգտագործելու համար, ընդգրկված չէ ինժիներատրանսպորտային օբյեկտների օտարման և սպասարկման համար նախատեսված տարածքներում, հնագիտական, պատմամշակութային հուշարձանների պահպանության գոտիներում, բնապահպանական արժեք ներկայացնող հողամասերում, հիմք ընդունելով 1992 թվականի մայիսի 11-ի առուծախի պայմանագիրը, սեփականության վկայագիրը, 1980 թվականի հունիսի 10-ին տրված ամուսնության վկայականը, «Չափագրում Էլիտ» սահմանափակ պատասխանատվությամբ ընկերության կողմից տրված հողամասի և շինության հատակագիծը և քաղաքացի Ռիմա Սեյրանի Սարկիսյանի կողմից լիազորված անձ Անդրանիկ Ռազմիկի Գրիշյանի 2025 թվականի մայիսի 29-ի թիվ 2451 դիմումը, որոշում եմ՝»,

2) որոշման 1-ին կետը շարադրել նոր խմբագրությամբ՝ հետևյալ բովանդակությամբ. «երականգնել` Ռիմա Սեյրանի Սարկիսյանի (ծնված` 1955 թվականի դեկտեմբերի 13-ին) սեփականության իրավունքները Հայաստանի Հանրապետության Արմավիրի մարզի Փարաքար համայնքի Մուսալեռ գյուղում գտնվող գույքային միավորների՝ 1938 թվականին կառուցված բնակելի տան, 1938 թվականին կառուցված բնակելի տան, 1938 թվականին կառուցված ծածկի, 1992 թվականին կառուցված ծածկի, 1992 թվականին կառուցված օժանդակ շինության, 1992 թվականին կառուցված ծածկի, 1938 թվականին կառուցված պարսպի, 04-069-0049-0009 կադաստրային ծածկագրով` և 0.03195 հեկտար մակերեսով բնակավայրերի նպատակային նշանակության, բնակելի կառուցապատման գործառնական նշանակության հողամասի նկատմամբ` համաձայն «Չափագրում Էլիտ» սահմանափակ պատասխանատվությամբ ընկերության կողմից տրված հողամասի և շինության հատակագծի:»:

2. Սույն որոշումն ուժի մեջ է մտնում ընդունման պահից: