ՆԱԽԱԳԻԾ

   Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 3-րդ կետով և 3-րդ մասով, 34-րդ հոդվածի 1-ին մասով, հիմք ընդունելով Հայաստանի Հանրապետության կադաստրի կոմիտեի կողմից տրված 2025 թվականի օգոստոսի 7-ի թիվ Կ-07082025-04-0141 որոշումը և հողամասի համասեփականատեր Սաթիկ Գուրգենի Հարությունյանի և մյուսների 2025 թվականի օգոստոսի 18-ի թիվ 4102 դիմումը. որոշում եմ

1. Հայաստանի Հանրապետության Արմավիրի մարզի Փարաքար համայնքի ղեկավարի 2025 թվականի հունիսի 16-ի «Սաթիկ Գուրգենի Հարությունյանի և մյուսների կողմից կատարած ինքնակամ շինությունների օրինականացման և նոր հասցե տրամադրելու մասին» թիվ 503-Ա որոշման մեջ կատարել փոփոխություն և լրացում՝

1) որոշման 1-ին կետը շարադրել նոր խմբագրությամբ՝ հետևյալ բովանդակությամբ. «Օրինականացնել Հայաստանի Հանրապետության Արմավիրի մարզի Փարաքար համայնքի Փարաքար գյուղում գտնվող՝ Սաթիկ Գուրգենի Հարությունյանին, Կարեն Էդիկի Հարությունյանին, Մայրամ Էդիկի Հարությունյանին և Վարդան Էդիկի Հարությունյանին ընդհանուր համատեղ սեփականության իրավունքով պատկանող՝ 04-094-0055-0001 կադաստրային ծածկագրով բնակավայրերի նպատակային նշանակության, բնակելի կառուցապատման գործառնական նշանակության հողամասի վրա կառուցված՝ 200.1 քառակուսի մետր արտաքին մակերեսով բնակելի տանը 1-ին հարկը, 283.7 քառակուսի մետր արտաքին մակերեսով բնակելի տան 2-րդ հարկը, 2.2 քառակուսի մետր մակերեսով պարիսպը և 1 ինքնակամ բացված պատուհանը՝ համաձայն համապատասխան որակավորում ունեցող անձի՝ «Ջիվան Հարությունյան Արսենի» անհատ ձեռնարկատիրոջ կողմից տրված հողամասի և շինությունների հատակագծերի:»,

2) որոշման 2-րդ կետը շարադրել նոր խմբագրությամբ՝ հետևյալ բովանդակությամբ. «Ինքնակամ կառույցի օրինականացման համար վճարը 1 քառակուսի մետր բնակելի տան և մեկ ինքնակամ բացված պատուհանի համար կազմում է 2316 Հայաստանի Հանրապետության դրամ, 1 քառակուսի մետր պարսպի համար կազմում է 1389.6 Հայաստանի Հանրապետության դրամ: Վճարման ենթակա ընդհանուր գումարը կազմում է 1 125 853,92 (մեկ միլիոն հարյուր քսանհինգ հազար ութ հարյուր հիսուներեք Հայաստանի Հանրապետության դրամ իննսուներկու լումա) Հայաստանի Հանրապետության դրամ:»:

2. Սույն որոշումն ուժի մեջ է մտնում ընդունման պահից: