Ղեկավարվելով Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետով, 72-րդ հոդվածի 2-րդ կետով, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ սահմանված կարգով, հիմք ընդունելով Հայաստանի Հանրապետության քաղաքաշինության կոմիտեի նախագահի տեղակալի 2021 թվականի սեպտեմբերի 16-ի N 06/11.2/8477-21 գրությունը, կից՝ Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի N 1/փ-277 դրական եզրակացությունը, քաղաքաշինության, հողօգտագործման և ընդհանուր բաժնի տեղեկանքը և Ալինա Կառլենի Կարապետյանի 2021 թվականի մայիսի 25-ի դիմումը. Փարաքար համայնքի ավագանին ո ր ո շ ու մ է. 1. Տալ համաձայնություն Փարաքար համայնքի գլխավոր հատակագծում կատարել փոփոխություն և համայնքային սեփականություն հանդիսացող 04-094-0017-0022 կադաստրային ծածկագրով, 0.0513 հա մակերեսով կոմունալ ենթակառուցվածքների նպատակային նշանակության հողամասի նպատակային նշանակությունը փոխել որպես բնակավայրերի հող, գործառական նշանակությունը` բնակելի կառուցապատման հող:
2. Տալ համաձայնություն` նշված 0.0513 հա մակերեսով բնակելի կառուցապատման հողամասը և առկա շինությունը սեփականության իրավունքով ուղղակի վաճառքով տրամադրել Փարաքար համայնքի բնակիչ Ալինա Կառլենի Կարապետյանին, ով հանդիսանում է 2020 թվականին 44-օրյա պատերազմում զոհված կամավորական Էդիկ Կարապետյանի այրին և զոհված ժամկետային զինծառայող Արմեն Կարապետյանի մայրը:
3․ Հողամասի օտարման վճարը սահմանել հողի կադաստրային արժեքի չափով․ 1 քառակուսի մետրը՝ 6834․3 դրամ, շենքի օտարման վճարը՝ ըստ օրենսդրությամբ սահմանված կարգի։
4. Առաջարկել համայնքի ղեկավարին` իրականացնել սույն որոշումից բխող գործառույթները: |