Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածի երկրորդ մասով, Հայաստանի Հանրապետության կառավարության 2006 թվականի մայիսի 18-ի N 731-Ն որոշմամբ, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 33-րդ կետով, 2005 թվականի դեկտեմբերի 29-ի N 2387-Ն որոշման պահանջներով, նկատի ունենալով, որ կառույցի պահպանումը չի խախտում այլ անձանց իրավունքները, օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ քաղաքաշինական նորմերի ու կանոնների էական խախտումներով, ինչպես նաև չի գտնվում ինժեներատրանսպորտային օբյեկտների օտարման կամ անվտանգության գոտիներում, չի առաջացնում հարկադիր սերվիտուտ պահանջելու իրավունք, շինության զբաղեցրած հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի սահմանափակումների ցանկում , հիմք ընդունելով հողամասի և շինության հատակագծերը` տրված «Ումառ Գրուպ» սահմանափակ պատասխանատվությամբ ընկերության կողմից, Հայաստանի Հանրապետության կադաստրի կոմիտեի կողմից 2024 թվականի նոյեմբերի 28-ին տրված հաշվառման (չափագրման) տվյալների մուտքագրման տեղեկանքը (ծածկագիր 20246FSX7E), շենքի տեխնիկական վիճակի վերաբերյալ դրական եզրակացությունը տրված «ԽԱՉՎԱՀԱՆ» սահմանափակ պատասխանատվությամբ ընկերության կողմից 2024 թվականի դեկտեմբերի 16-ին, շինությունը կատարած անձ Արտակ Վանիկի Մանուկյանի 2025 թվականի փետրվարի 11-ի N 641 դիմումը. որոշում եմ`

 1. Հայաստանի Հանրապետության Արմավիրի մարզի Փարաքար համայնքի Մերձավան գյուղում գտնվող 1432.2 քառակուսի մետր մակերեսով համայնքային սեփականություն հանդիսացող հողամասի վրա գտնվող՝ 125.8 քառակուսի մետր արտաքին մակերեսով բնակելի տան 1-ին հարկը, 116.4 քառակուսի մետրարտաքին մակերեսով բնակելի տան 2-րդ հարկը և 35.9 քառակուսի մետր արտաքին մաերեսով նկուղը ճանաչել Փարաքար համայնքի սեփականությունը և օրինականացնել` համաձայն «Ումառ Գրուպ» սահմանափակ պատասխանատվությամբ ընկերության կողմից տրված հողամասի և շինությունների հատակագծերի:

2. Հողատարածքին և առկա շինությանը տալ հասցե. Հայաստանի Հանրապետություն, Արմավիրի մարզ, Փարաքար համայնք, գյուղ Մերձավան, Երկրագործների փողոց, 6/17 բնակելի տուն (ծածկագիր 04062ZGNVCTF):

3. Հաշվի առնելով, որ կառույցն իրականացվել է Արտակ Վանիկի Մանուկյանի կողմից և ընդունվել է առաջարկը՝ գնման նախապատվության իրավունքով ձեռք բերելու հողամասը և շինությունները, Արտակ Վանիկի Մանուկյանին ուղղակի վաճառքով օտարել Հայաստանի Հանրապետյան Արմավիրի մարզի Փարաքար համայնքի Մերձավան Երկրագործների փողոց, 6/17 հասցեում գտնվող 0,14322 հեկտար մակերեսով հողամասը՝ առկա շինություններով:

4. 1432.2 քառակուսի մետր մակերեսով հողամասի գործառնական նշանակությունը փոխել որպես բնակելի կառուցապատման հող: Համայնքի հողային հաշվեկշռում կատարել համապատասխան փոփոխություն:

5. Ինքնակամ կառույցի օրինականացման և վաճառքի համար վճարը սահմանվում է յուրաքանչյուր մեկ քառակուսի մետր բնակելի տան 1-ին հարկի, բնակելի տան 2-րդ հարկի և բնակելի տան նկուղի համար կկազմի 5907 դրամ: Վճարման ենթակա գումարը կազմում է 1 642 736,70 (մեկ միլիոն վեց հարյուր քառասուն երկու հազար յոթ հարյուր երեսունվեց Հայաստանի Հանրապետության դրամ յոթանասուն լումա) Հայաստանի Հանրապետության դրամ, որը ենթակա է վճարման Փարաքար համայնքի Մերձավան գյուղի եկամուտների 900325175231 հաշվեհամարին:

6. Մեկ քառակուսի մետր հողամասի օտարման վճարը սահմանվում է 4441,8 դրամ, որը 1432.2 քառակուսի մետրի համար կկազմի 6 361 545,96 (վեց միլիոն երեք հարյուր վաթսունմեկ հազար հինգ հարյուր քառասունհինգ Հայաստանի Հանրապետության դրամ իննսունվեց լումա) Հայաստանի Հանրապետության դրամ, որը ենթակա է վճարման Փարաքար համայնքի Մերձավան գյուղի ֆոնդային եկամուտների 900325175132 հաշվեհամարին:

7. Սույն որոշումից բխող գույքային իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի անշարժ գույքի գրանցման միասնական ստորաբաժանման կողմից: