Ղեկավարվելով Հայաստանի Հանրապետության քաղաքացիական օրենսգրքի 605-րդ հոդվածով և հիմք ընդունելով Հայաստանի Հանրապետության կառավարության 2018 թվականի մարտի 29-ի N 346-Ա որոշումը՝ Հայաստանի Հանրապետության Արմավիրի մարզի Փարաքար համայնքում գտնվող հիմնական դպրոցի շենքը նվիրաբերելու մասին. համայնքի ավագանի որոշում է՝ 1. Ընդունել Հայաստանի Հանրապետության սեփականությունը հանդիսացող, Հայաստանի Հանրապետության Արմավիրի մարզի Փարաքար համայնքում գտնվող 968.2 քառակուսի մետր մակերեսով դպրոցի շենքը, 87.8 քառակուսի մետր մակերեսով կաթսայատունը, 20.2 քառակուսի մետր մակերեսով պահեստը և 4.0 քառակուսի մետր մակերեսով զուգարանը, ինչպես նաև դրանց օգտագործման ու սպասարկման համար անհրաժեշտ 0.43 հեկտար մակերեսով հողամասը ( անշարժ գույքի նկատմամբ իրավունքների պետական գրանցման վկայական N 737130, տրված 2002 թվականի սեպտեմբերի 24-ին)՝ 2017 թվականի հոկտեմբերի 23-ի դրությամբ 41 530 000 դրամ գնահատված արժեքով ( ներառյալ հողոմասի կադաստրային արժեքը) նվիրաբերությունը Հայաստանի Հանրապետության Արմավիրի մարզի Փարաքար համայնքին՝ շենքում ինֆորմացիոն տեխնելոգիաների կենտրոն հիմնելու նպատակով:
2. Համայնքը պարտավորվում է համաձայն վերջինիս կողմից ներկայացված դպրոցի շենքի նորովի օգտագործման ծրագրի՝ 3 տարվա ընթացքում իրականացնել 50000000 /հիսուն միլիոն/ ՀՀ դրամի ներդրում հետևյալ համամասնությամբ՝ ա) 2018 թվականին՝ 25000000 /քսանհինգ միլիոն/ ՀՀ դրամ բ) 2019 թվականին՝ 15000000 /տասնհինգ միլիոն/ ՀՀ դրամ գ) 2020 թվականին՝ 2020 թվականին՝ 10000000 /տաս միլիոն/ ՀՀ դրամ: :
3. Համայնքի ղեկավարին (Ս.Վարդանյան)՝ կնքել սույն որոշման 1-ին կետում նշված գույքի նվիրաբերության պայմանագիր՝ պայմանագրից բխող նոտարական վավերացման և գույքային իրավունքների պետական գրանցման հետ կապված ծախսերը կատարել Հայաստանի Հանրապետության Արմավիրի մարզի Փարաքար համայնքի միջոցների հաշվին:
4.Սույն որոշումն ուժի մեջ է մտնում ընդունման պահից
|