Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 15-րդ կետով, «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ մասի զ), է) կետերով և 3-րդ մասով, 25-րդ հոդվածով՝ Փարաքար համայնքի ավագանին որոշում է՝ 1. Հայաստանի Հանրապետության օրենսդրությամբ սահմանված կարգով լուծարել՝
1) «Մերձավանի մշակույթի տուն» համայնքային ոչ առևտրային կազմակերպությունը (այսուհետ՝ Կազմակերպություն), (գտնվելու վայրը՝ 1139, Հայաստանի Հանրապետություն, Արմավիրի մարզ, գյուղ Մերձավան, Երիտասարդության 39, գրանցման համարը՝ 99.215.1053631): 2) Հայաստանի Հանրապետության Արմավիրի մարզի Այգեկ գյուղական համայնքի «Մշակույթ և սպորտ» համայնքային ոչ առևտրային կազմակերպությունը (այսուհետ՝ Կազմակերպություն), (գտնվելու վայրը՝ 1115, Հայաստանի Հանրապետություն, Արմավիրի մարզ, գյուղ Այգեկ, 6 փողոց, 2 շենք, գրանցման համարը՝ 99.215.792000):
3) ՀՀ Արմավիրի մարզի Բաղրամյանի համայնքի «Մշակույթ» միացյալ տնօրինությունը (այսուհետ՝ Կազմակերպություն), (գտնվելու վայրը՝ Հայաստանի Հանրապետություն, 378350, Արմավիրի մարզ, գյուղ Բաղրամյան, գրանցման համարը՝ 99.180.01340):
4) ՀՀ Արմավիրի մարզի Նորակերտի համայնքի «Կրթություն և մշակույթ» միացյալ տնօրինությունը (այսուհետ՝ Կազմակերպություն), (գտնվելու վայրը՝ Հայաստանի Հանրապետություն, 378315, Արմավիրի մարզ, գյուղ Նորակերտ, գրանցման համարը՝ 99.180.01346):
2. Հայաստանի Հանրապետության Արմավիրի մարզի Փարաքար համայնքի ղեկավարին՝ սույն որոշումն ուժի մեջ մտնելուց հետո 10-օրյա ժամկետում ստեղծել լուծարային հանձնաժողով:
3. Լուծարային հանձնաժողովին՝ սույն որոշումն ուժի մեջ է մտնելուց հետո 6-ամսյա ժամկետում Հայաստանի Հանրապետության օրենսդրությամբ սահմանված կարգով ավարտել Կազմակերպությունների լուծարման գործընթացը և 20-օրյա ժամկետում լուծարումից հետո մնացած գույքը հանձնել «Հայաստանի Հանրապետության Արմավիրի մարզի Փարաքարի համայնքապետարանի աշխատակազմ» համայնքային կառավարչական հիմնարկ տնօրինությանը: |