Ղեկավարվելով Հայաստանի Հանրապետության հողային օրենսգրքի 3-րդ հոդվածի 1-ին մասով, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգով, հիմք ընդունելով Հայաստանի Հանրապետության Արմավիրի մարզպետի 2024 թվականի դեկտեմբերի 16-ի N 01/7/09128-2024 գրությունը, Հայաստանի Հանրապետության վարչապետի 2009 թվականի դեկտեմբերի 22-ի N 1064-Ա որոշմամբ ստեղծված Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի N 2/փ-503 դրական եզրակացությունը, Հայաստանի Հանրապետության Արմավիրի մարզի Փարաքար համայնքի ղեկավարի 2024 թվականի հուլիսի 3-ի /լրամշակված՝ 07.05.2025/ ճարտարապետահատակագծային առաջադրանքի նախագիծը, միկրոռեգիոնալ մակարդակի համակցված տարածական պլանավորման Արմավիր-8 նախագիծը հաստատելու մասին Փարաքար համայնքի ավագանու 2022 թվականի մարտի 2-ի N 19-Ա որոշումը, «ՍԱՄ-ՇՈՂ» ՍՊԸ-ի տնօրեն Քրիստինե Ալեքսանյանի լիազորված անձ Արտակ Մխիթարյանի 2024 թվականի հոկտեմբերի 10-ի N 5636 դիմումը. Փարաքար համայնքի ավագանին որոշում է՝

1. Հայաստանի Հանրապետության Արմավիրի մարզի Փարաքար համայնքի Թաիրով գյուղի Մայրաքաղաքային փողոց թիվ 27/2 հասցեում գտնվող` «ՍԱՄ-ՇՈՂ» ՍՊԸ-ին սեփականության իրավունքով պատկանող՝ 04-094-0012-0072 կադաստրային ծածկագրով, 0.9901 հեկտար մակերեսով արդյունաբերության, ընդերքօգտագործման և այլ նպատակային նշանակության /հողատեսքը՝ արդյունաբերական օբյեկտների/ հողամասի նպատակային նշանակությունը փոփոխել` որպես բնակավայրերի նպատակային նշանակության, գործառնական նշանակությունը՝ հասարակական կառուցապատման՝ հետագայում առևտրահասարակական կենտրոն կառուցելու համար, իսկ 0.072868 հեկտար մակերեսով վարձակալության իրավունքով պատկանող հողամասի նպատակային նշանակությունը թողնել արդյունաբերության, ընդերքօգտագործման և այլ նպատակային նշանակության /հողատեսքը՝ արտադրական օբյեկտների/:

2. Տալ համաձայնություն՝ Հայաստանի Հանրապետության Արմավիրի մարզի Փարաքար համայնքի միկրոռեգիոնալ մակարդակի՝ համակցված տարածական պլանավորման փաստաթղթի նախագծի Թաիրով բնակավայրի գործառնական գոտիներում կառուցապատման չափորոշիչների մեջ կատարելու հետևյալ փոփոխությունը.

 Աղյուսակ Բ.2.8 ԲՆԿԳ-1/1 /միջինից բարձր հարկայնության հասարակական կառուցապատման գոտի/ 3-րդ տողի, 6-րդ սյունակի՝ «1-2 վերգետնյա հարկ, /նկուղային հարկի/ 12 մետր» փոխարեն կարդալ «1-2 վերգետնյա հարկ, /նկուղային հարկի/ 18 մետր»՝ բացառապես 04-094-0012-0072 ծածկագրով Փարաքար համայնքի Թաիրով գյուղի, Մայրաքաղաքային փողոց թիվ 27/2 հասցեում գտնվող 0.9901 հա մակերեսով հողամասի համար:

3. Հանձնարարել համայնքի ղեկավարին՝ կատարելու սույն որոշումից բխող գործառույթները:

4. Սույն որոշումն ուժի մեջ է մտնում ընդունման պահից: