Ղեկավարվելով Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշման 24-րդ կետի 3-րդ ենթակետով, Հայաստանի Հանրապետության Արմավիրի մարզի Փարաքար համայնքի միկրոռեգիոնալ մակարդակի համակցված տարածական պլանավորման Արմավիր-8 նախագիծը հաստատելու մասին Փարաքար համայնքի ավագանու 2022 թվականի մարտի 2-ի թիվ 19-Ա որոշմամբ, հիմք ընդունելով համաձայն համապատասխան որակավորում ունեցող անձի՝ «Ջիվան Հարությունյան Արսենի» անհատ ձեռնարկատիրոջ կողմից 2024 թվականի ապրիլի 10-ին տրված հողամասի և շինության հատակագիծը, Հայաստանի Հանրապետության Արմավիրի մարզի Փարաքար համայնքի Արևաշատ բնակավայրի վարչական ղեկավարի 2024 թվականի փետրվարի 8-ի թիվ 15 զեկուցագիրը. որոշում եմ՝

1. Հայաստանի Հանրապետության Արմավիրի մարզի Փարաքար համայնքի Արևաշատ գյուղում գտնվող՝ համայնքային սեփականություն հանդիսացող՝ 04-026-0011-0024 կադաստրային ծածկագրով՝ 0.1133 հեկտար մակերեսով, արդյունաբերության, ընդերքօգտագործման և այլ արտադրական նպատակային նշանակության, գյուղատնտեսական արտադրական օբյեկտների գործառնական նշանակության հողամասի նպատակային նշանակությունը փոխել որպես բնակավայրերի, իսկ գործառնական նշանակությունը որպես բնակելի կառուցապատման:

2. Հայաստանի Հանրապետության Արմավիրի մարզի Փարաքար համայնքի հողային հաշվեկշռում կատարել փոփոխություն, սույն՝ 0.1133 հեկտար մակերեսով հողամասը հանել արդյունաբերության, ընդերքօգտագործման և այլ արտադրական նպատակային նշանակության, գյուղատնտեսական արտադրական օբյեկտների գործառնական նշանակության հողերի հաշվեկշռից և ներառել բնակավայրերի նպատակային նշանակության, բնակելի կառուցապատման գործառնական նշանակության հողերի հաշվեկշռում:

3. Հայաստանի Հանրապետության Արմավիրի մարզի Փարաքար համայնքի Արևաշատ գյուղի Երևանյան խճուղի 2-րդ նրբանցք 1 հասցեում գտնվող շինության՝ 127.1 քառակուսի մետր մակերեսով չրանոցի և 136.9 քառակուսի մետր մակերեսով կիսակառույցի նպատակային նշանակությունը փոխել որպես բնակելի, չրանոցի գործառնական նշանակությունը որպես բնակելի տուն:

4. Սույն որոշումից բխող գույքային իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի անշարժ գույքի գրանցման միասնական ստորաբաժանման կողմից:

5. Սույն որոշումն ուժի մեջ է մտնում ընդունման պահից: