Ղեկավարվելով Հայաստանի Հանրապետության հողային օրենսգրքի 3-րդ հոդվածի 1-ին մասով, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգով, հիմք ընդունելով Հայաստանի Հանրապետության Արմավիրի մարզպետի 2024 թվականի օգոստոսի 28-ի N 01/7/06259-2024 գրությունը, Հայաստանի Հանրապետության վարչապետի 2009 թվականի դեկտեմբերի 22-ի N 1064-Ա որոշմամբ ստեղծված Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի N 2/փ-339 դրական եզրակացությունը, Հայաստանի Հանրապետության Արմավիրի մարզի Փարաքար համայնքի ղեկավարի 2024 թվականի սեպտեմբերի 2-ի ճարտարապետահատակագծային առաջադրանքի նախագիծը, քաղաքացիներ Ռազմիկ Մկրտիչի Գյուլնազարյանի, Դիաննա Վարդանի Գյուլնազարյանի, Յուրիկ Ռազմիկի Գյուլնազարյանի և Սաթենիկ Ռազմիկի Տիրացվյանի 2023 թվականի դեկտեմբերի 19-ի N 6205 դիմումը. Փարաքար համայնքի ավագանին որոշում է՝ 1. Հայաստանի Հանրապետության Արմավիրի մարզի Փարաքար համայնքի Փարաքար գյուղում գտնվող` Ռազմիկ Մկրտիչի Գյուլնազարյանին, Դիաննա Վարդանի Գյուլնազարյանին, Յուրիկ Ռազմիկի Գյուլնազարյանին և Սաթենիկ Ռազմիկի Տիրացվյանին ընդհանուր համատեղ սեփականության իրավունքով պատկանող՝ 04-094-0514-0002 կադաստրային ծածկագրով, 0,19 հեկտար մակերեսով գյուղատնտեսական նպատակային նշանակության /հողատեսքը՝ պտղատու այգի/ հողամասի նպատակային նշանակությունը փոփոխել` որպես բնակավայրերի նպատակային նշանակության, գործառնական նշանակությունը՝ բնակելի կառուցապատման՝ հետագայում բնակելի տուն կառուցելու համար:
2. Հանձնարարել համայնքի ղեկավարին՝ կատարելու սույն որոշումից բխող գործառույթները:
3. Սույն որոշումն ուժի մեջ է մտնում ընդունման պահից: |