Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 1-ին և 3-րդ կետերով, հիմք ընդունելով «Մալխասյանց փաստաբանական կենտրոն» սահմանափակ պատասխանատվությամբ ընկերության կողմից 2024 թվականի օգոստոսի 23-ին տրված եզրակացությունը և 2024 թվականի օգոստոսի 22-ին տրված հողամասի և շինության հատակագծը. որոշում եմ՝

1.Հայաստանի Հանրապետության Արմավիրի մարզի Փարաքար համայնքի ղեկավարի 2024 թվականի օգոստոսի 6-ի «Ինքնակամ կառուցված շինությունը համայնքային սեփականություն համարելու, օրինականացնելու, օտարելու և հողամասի գործառնական նշանակությունը փոխելու մասին» թիվ 455-Ա որոշման մեջ կատարել փոփոխություններ՝

1) որոշման 1-ին կետում «17.98»թիվը փոխարինել «35.96» թվով,

2) որոշման 5-րդ կետը շարադրել նոր խմբագրությամբ հետևյալ բովանդակությամբ՝ «Ինքնակամ կառույցի օրինականացման վճարը սահմանվում է յուրաքանչյուր մեկ քառակուսի մետր խանութի և անասնաշենքի համար` 4632 դրամ, վճարման ենթակա գումարը կազմում է 257 261.28 (երկու հարյուր հիսունյոթ հազար երկու հարյուր վաթսունմեկ Հայաստանի Հանրապետության դրամ քսանութ լումա) Հայաստանի Հանրապետության դրամ, որը ենթակա է վճարման Փարաքար համայնքի վարչական եկամուտների 900325191154 հաշվեհամարին:»:

2. Սույն որոշումն ուժի մեջ է մտնում ընդունման պահից: