Ղեկավարվելով «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության օրենքով, Հայաստանի Հանրապետության հողային օրենսգրքի 64-րդ հոդվածի 2-րդ կետի 1-3-րդ ենթակետերով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ կետով, հիմք ընդունելով ըստ օրենքի ժառանգության իրավունքի վկայագրերը /գրանցված է սեղանամատյանում 10809-ով և 10810-ով/, քաղաքացի Գևորգ Արարատի Սուքիասյանի 2024 թվականի հունիսի 21-ի թիվ 3706 դիմումը, Հայաստանի Հանրապետության Արմավիրի մարզի Փարաքար համայնքի Փարաքար գյուղի հողային բարեփոխումների և սեփականաշնորհման տեղական հանձնաժողովի 1991 թվականի փետրվարի 2-ի թիվ 1 որոշման 2023 թվականի դեկտեմբերի 8-ի թիվ 38 քաղվածքը, «ՋԻՎԱՆ ԱՐՍԵՆԻ ՀԱՐՈՒԹՅՈՒՆՅԱՆ» անհատ ձեռնարկատիրոջ կողմից 2024 թվականի հունիսի 17-ին տրված հողամասի և շինության հատակագիծը, հաշվի առնելով այն հանգամանքը, որ Հայաստանի Հանրապետության Արմավիրի մարզի Փարաքար համայնքի Փարաքար գյուղում գտնվող կառույցներն իրականացվել են մինչև 2001 թվականի մայիսի 15-ը, և դրանց պահպանումը չի խախտում այլ անձանց իրավունքներն ու օրենքով պահպանվող շահերը, կատուցված չեն քաղաքաշինական նորմերի ու կանոնների էական խախտումներով, չեն առաջացնում հարկադիր սերվիտուտ պահանջելու իրավունք և չեն գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում, առաջին պետական գրանցման աշխատանքների իրականացման ընթացքում կադաստրային քարտեզագրման արդյունքում հաշվառված փաստացի օգտագործվող հողամասը նախատեսված չէ այլ նպատակային և գործառնական նշանակությամբ օգտագործելու համար, ընդգրկված չէ ինժիներատրանսպորտային օբյեկտների օտարման և սպասարկման համար նախատեսված տարածքներում, հնագիտական, պատմամշակութային հուշարձանների պահպանության գոտիներում, բնապահպանական արժեք ներկայացնող հողամասերում. որոշում եմ՝

1. Վերականգնել Գևորգ Արարատի Սուքիասյանի (ծնված 1956 թվականի սեպտեմբերի 18-ին) սեփականության իրավունքները Հայաստանի Հանրապետության Արմավիրի մարզի Փարաքար համայնքի Փարաքար գյուղում գտնվող գույքային միավորների՝ 1960 թվականին կառուցված բնակելի տան /նկուղ/, 1960 թվականին կառուցված աստիճանի, 1991 թվականին կառուցված բնակելի տան /1-ին հարկ/, 1960 թվականին կառուցված բնակելի տան /1-ին հարկ/, 1960 թվականին կառուցված բնակելի տան /1-ին հարկ/, 1991 թվականին կառուցված բնակելի տան /2-րդ հարկ/, 1960 թվականին կառուցված բնակելի տան /2-րդ հարկ/, 1991 թվականին կառուցված աստիճանահարթակի, 1960 թվականին կառուցված աստիճանահարթակի, 1998 թվականին կառուցված ջերմոցի, 1997 թվականին կառուցված ծածկի, 1965 թվականին կառուցված տարածքի, 1963 թվականին կառուցված օժանդակ շինության, 1996 թվականին կառուցված օժանդակ շինության, 1998 թվականին կառուցված պարսպի և 0.1775 հեկտար /որից 0.002 հեկտար մակերեսով հողամասը հանդիսանում է ընդհանուր բաժնային սեփականություն/ մակերեսով բնակավայրերի նպատակային նշանակության, գործառնական նշանակությունը բնակելի կառուցապատման հողամասի նկատմամբ, համաձայն «ՋԻՎԱՆ ԱՐՍԵՆԻ ՀԱՐՈՒԹՅՈՒՆՅԱՆ» անհատ ձեռնարկատիրոջ կողմից տրված հատակագծի:

2. Հողատարածքին և շինությանը տրամադրել հասցե. Հայաստանի Հանրապետություն, Արմավիրի մարզ, Փարաքար համայնք, գյուղ Փարաքար, Գետափի փողոց, թիվ 15 բնակելի տուն (ծածկագիր 04094ZL8RWFQ):

3. Սույն որոշումից բխող գույքային իրավունքները ենթակա են գրանցման Հայաստանի Հանրապետության կառավարությանն առընթեր կադաստրի կոմիտեի անշարժ գույքի գրանցման միասնական ստորաբաժանումում:

4. Սույն որոշումն ուժի մեջ է մտնում ընդունման պահից: