Զեկ. ՔՆԱՐԻԿ ՄԵԼՔՈՆՅԱՆ

   Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետով, «Հայաստանի Հանրապետության Բյուջետային համակարգի մասին» օրենքի 32-րդ հոդվածի 5-րդ մասով, 33-րդ հոդվածի 3-րդ մասով, Արմավիրի մարզի Փարաքար համայնքի ավագանու ֆինասնավարկային և տնտեսական հարցերի գծով մշտական հանձնաժողովի 2024 թվականի փետրվարի 6-ի թիվ 01 դրական եզրակացությունը և հիմք ընդունելով Հայաստանի Հանրապետության Արդարադատության նախարարության գլխավոր քարտուղարի 30.01.2025 թվականի թիվ 27.1/3695-2025 գրությամբ ներկայացված պետական փորձագիտական եզրակացությունը. Փարաքար համայնքի ավագանին որոշում է`

1. Հաստատել համայնքի բյուջեի տարեսկզբի ազատ մնացորդը՝ 703829.793 հազ. դրամ 40 լումա, որից վարչական մասի ազատ մնացորդը ՝ 382173.964 հազ. դրամ 30 լումա և ֆոնդային մասի ազատ մնացորդը ՝ 321655.829 հազ. դրամ 10 լումա:

2. Հաստատել Հայաստանի Հանրապետության Արմավիրի մարզի Փարաքար համայնքի 2025 թվականի բյուջեն` համաձայն NN 1-10-րդ հավելվածների:

3. Համաձայնություն տալ Հայաստանի Հանրապետության Արմավիրի մարզի Փարաքար համայնքի 2025 թվականի բյուջեի կատարման ընթացքում համայնքի ղեկավարի կողմից գործառնական և տնտեսագիտական դասակարգման մեջ վերաբաշխումներ կատարելուն:

4. Սահմանել Հայաստանի Հանրապետության Արմավիրի մարզի Փարաքար համայնքի 2025 թվականի բյուջեի ծախսերի գործառնական և տնտեսագիտական դասակարգման փոփոխություններ կատարելու համար 50 տոկոսի չափաքանակով:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2025 թվականի հունվարի 1-ից ծագած հարաբերությունների վրա: