Հաստատվել է «Անապահովության գնահատման համակարգով անապահով ճանաչված ընտանիքների աշխատունակ անձանց վարձատրվող հասարակական աշխատանքի դիմաց աջակցության տրամադրման ծրագիրը»․ նպատակն անապահով ճանաչված ընտանիքի աշխատունակ անձանց տնտեսական ակտիվացման համար պայմանների ստեղծումն է, նրանց եկամուտների ավելացումն ու աշխատաշուկա մուտք գործելու հնարավորությունների ընդլայնումը։ Ծրագրին մասնակցելու ցանկության դեպքում անհրաժեշտ է ներկայացնել ծրագրային առաջարկություն, որի հաստատման պարագայում ծրագրի շահառուների հետ կկնքվի աշխատանքային պայմանագիր և մեկ մարդ/օր ծավալի աշխատանքի համար գործատուին կտրամադրվի 3500 դրամ գումար՝ ներառյալ բոլոր հարկերն ու վճարները։ Հետաքրքրվող անձինք կարող են դիմել Արմավիրի մարզպետարան։