Ղեկավարվելով «Արտակարգ իրավիճակներում բնակչության պաշտպանության մասին» ՀՀ օրենքի 16-րդ հոդվածով, «Տեղական ինքնակառավարման մասին» ՀՀ օրենքի 12-րդ հոդվածի 1-ին մասի 12-րդ, 41-րդ հոդվածի 2-րդ մասի 7-րդ և ՀՀ կառավարության 2023 թվականի հոկտեմբերի 5-ի N 1717-Լ որոշման N 2 հավելվածի 1.2.1 կետերով և «Նորմատիվ իրավական ակտերի մասին»  ՀՀ  օրենքի 37-րդ հոդվածով և հիմք ընդունելով  ՀՀ ներքին գործերի նախարարության փրկարար ծառայության Արմավիրի մարզային փրկարարական վարչության 2025 թվականի օգոստոսի 26-ի թիվ 95/11-245 գրությունը . ՈՐՈՇՈՒՄ ԵՄ՝

1.  Հաստատել՝

1)      Աղետների ռիսկի կառավարման պլանը՝ համաձայն N 1 հավելվածի․

2)     Համայնքի բնակավայրերի վտանգների, խոցելիության և կարողությունների սխեմատիկ պատկերները՝ համաձայն N 2 հավելվածի․

3)     Աղետների ռիսկի կառավարման միջոցառումների օրացույցը՝ համաձայն N 3 հավելվածի․

4)     աղետների ռիսկի նվազեցման միջոցառումների պլան-ժամանակացույցը՝ համաձայն N 4 հավելվածի․

5)     ազդարարման և տեղեկատվության փոխանակման սխեման՝ համաձայն N 5 հավելվածի․

6)    բնակչության տարահանման ժամանակը՝ համաձայն N 6 հավելվածի․

7)     ստանդարտ գործողությունների ընթացակարգերն ըստ բնորոշ աղետների՝ համաձայն N 7 հավելվածի։

2.   Սույն որոշման 1-ին կետով հավելվածները հաստատվում են երեք տարի ժամկետով:

3.  Արտակարգ իրավիճակի սպառնալիքի կամ առաջացման ժամանակ` սույն որոշման 1-ին կետի 7-րդ ենթակետով հաստատվող N 7 հավելվածում ներառված միջոցառումներից որևէ երեքն իրականացնելու դեպքում` աղետների ռիսկի կառավարման պլանը համարել գործողության մեջ դրված:

4. ՈՒժը կորցրած  ճանաչել Փարաքար համայնքի ղեկավարի 2025 թվականի հուլիսի 16-ի «Աղետների ռիսկի կառավարման պլանը հաստատելու մասին» թիվ 643-Լ որոշումը:

5.  Որոշումն ուժի մեջ է ստորագրման պահից։